Listeriosi
|
Quest articol chì l'è scrivud in lombard, con la Noeuva Ortografia Lombarda |
La listeriosi a l'è una malatia che la vegn a causa di bateri de la familia Listeria, de solet spantegad a travers del mangià. In la pupart di cas, soratut in di sgent in salut, la causa domà di problema a nivell gastrointestinal, compagn de gomet o de cagheta, menter in di fiolit, in di vegg e in di imunodepress la po menà a di robe pussee grame, compagne de la seticemia o de la meningita, che poden portà a la mort. In di done in crompa la po menà a la despersa, anca se de solet la gh'ha poch de sintom per la dona midema. Quand che la se conclama, la mortalità a l'è intorna al 30%.
Per tratàlla se doperen i antibiotegh, i pussee boni inn l'Ampicillina insema a la Gentamicina, ma di voeulte se da anca el Cotrimossazol.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Listeriosi
