Lissander Brasca

De Wikipedia
Jump to navigation Jump to search
Quell articol qì l'è scrivud in Lombard, ortografia SL.

El Lissander Brasca (Milan, 1967) l'è un cantaudor e lenguista lombard.

Museg polistrumental, l'ha invivad la carera de cantaudor ind i agn '90. L'ha partecipad al Premio Tenco ind el 1995, ma dopo l'ha desmetid per ricominçar con la musica ind el 2009.[1] Ind i ultem agn l'ha colaborad con varie artista compagn de Vinicio Capossela, Bèpi & The Prismas e Davide Van de Sfroos. [2] Ind el 2010 l'ha produxid un album musegal intitolat Sot la Cender. In qella opera qì i canzon i en scrivide ind una koinè lombarda artistega, çoè ind un mes-ciot de forme ciapade dei vare dialets inventada de l'autor per esijenze de espression. Tute i canzon i en staite scrivide, ranjade, cantade e sonade del Lissander.[3]

Ind el ann dop l'ha dait a la stampa Scriver Lombard, un liber indove qe al propones una grafia polinomega unifegada per tuts i dialets de la lengua lombarda.[4]

Lauread ind Lengue e Scienze lenguistege cond una tesi in sui sintagma interrogativ lombards,[4] l'è dree a far un PhD a l'Universitaa de Bangor, in Galles.[4][5] L'è member del International Research Group on Contested Languages ("Grup de recerca internazional in su i lengue contestade"), guidad (intra i olter) del professor Marc Tamburell,[6] col qual ind el 2017 l'ha publegad un stude in sui lengue gall-italege.[7][8]

Riferiments[Modifega | mudìfica 'l sorgènt]

  1. [1]
  2. (IT) 28/07 - Lissander Brasca. Un cantautore lombardo
  3. (IT) Storie di Cantautori Pt.3 – Lissander Brasca, Ninfa Giannuzzi, Manè, Nidi di Nebbia, Giuseppe Reghini
  4. 4,0 4,1 4,2 L. Brasca, Scriver Lombard. Un'ortografia polinomeg-local per la lengua lombarda, 2011, ISBN 8896751101.
  5. (IT) Scriver Lombard, un’ortografia polinomico-locale per la lingua lombarda, patrimonilinguistici.it.
  6. (EN) International Research Group on Contested Languages - Members, contested-languages.bangor.ac.uk. URL consultato il 20/9/2018.
  7. (EN) Revisiting the classification of Gallo-Italic: a dialectometric approach, doi:10.1093/llc/fqx041
  8. (IT) Articol divulgativ de l'autor in sui resultads