Linia 2 (servizzi ferroviari metropolitan de Napoli)
| Linia 2 | |
|---|---|
| |
| |
| Tipolojia | servìsio feroviàrio |
| Stats | Itàlia |
| Territore | Napoli |
| Vertura | 1925 |
| Ultem slongament | 2014 |
| Part de | trasporti a Napoli |
| Linie | 1 |
| Operador | Trenitalia, Metronapoli e ANM |
| Scartament | scartament normal |
| N. stazion e fermade | 12 |
| Lungeza | 18,9 km |
| Durada del percorid | 55 min |
| |
| istruzion | |
La linia 2 del servizzi ferroviari metropolitan de Napoli a l'è la denominazion del servizzi metropolitan M80 che 'l va in sul passant ferroviari de Napoli faa de la Trenitalia.
Storia
[Modifega | modifica 'l sorgent]A l'è inaugurada in del 1925 del regimm fassista 'me Metropolitana FS e l'è staa el primm esempi de ferrovia metropolitana in Italia.
Cronologia
[Modifega | modifica 'l sorgent]- Settember 1925: A hinn inauguraa i relazion in tra Napoli e Pozzuoli cont i automotris RM 5131-5146 a terza rodaia
- 1927: A hinn giontaa i stazion de Bagnoli-Agnano Terme e Gianturco
- 1929: A l'è giontada la stazion de Napoli Piazza Leopardi
- 1935: A l'è tolta via la terza rodaia a hinn doperaa di automotris FS E.624
- 1961: A l'è giontada la stazion de Cavalleggeri Aosta
- 1992: I treni a hinn classificaa 'me treni metropolitan
- 1997: El Comun ciama el servizzi linia 2
- 2009: I treni a longa percorrenza doperen pu el passant
- 14 dicember 2012: L'è vert el capoligna de Napoli San Giovanni-Barra
Gestor
[Modifega | modifica 'l sorgent]L'infrastruttura a l'è gestida de la RFI e i treni hinn servii de la Trenitalia. In tra 'l 2002 e 'l 2005 el servizzi a l'era faa de la Metronapoli.
Stazion e percors
[Modifega | modifica 'l sorgent]
La linia 2 la conliga Pozzuoli a la zona Est de Napoli e la tocca tucc i pont nevralgich de la città cont on percors sotta terra. On binari de servizzi el conliga la stazion de Napoli Campi Flegrei a la ferrovia Cumana ma l'è no doperaa per el straport di passegee.
Progett
[Modifega | modifica 'l sorgent]Da on poo de temp a l'è in costruzion la stazion de Napoli Galileo Ferraris, de che hinn staa faa i access e la banchina, ma manchen i fond per finìlla. Se parla anca de fà 'na stazion arent de Agnano.
Servizzi
[Modifega | modifica 'l sorgent]El servizzi offert a l'è quell de treno metropolitan cont ona percorrenza de 55 menut, che in del 1938 l'era de 30 menut.
Dal dicember 2014 la tratta Pozzuoli Solfatara-Napoli San Giovanni-Barra la gh'ha l'orari cadenzaa, cont di cors ògni 15 menut pussee di treni regionai che fermen a Campi Flegrei.
A hinn attiv servizzi in su 'sti tratt:
- Napoli San Giovanni-Barra - Pozzuoli Solfatara
- Caserta - Napoli Campi Flegrei
- Salerno - Napoli Campi Flegrei
- Castellammare di Stabia - Napoli Campi Flegrei
Material rotabil
[Modifega | modifica 'l sorgent]In principi eren doperaa di composizion particolar, in di agn '60 sostituii di automotris FS ALe 803, sostituii in di agn '80 di automotris FS ALe 724. Dal 2016 a l'è scominciada la sostituzion cont i treni Jazz. Per i relazion Caserta - Napoli Campi Flegrei a hinn doperaa anca i Treni Alta Frequentazione.