Licee scientifegh
|
Quest articol chì l'è scrivud in lombard, con la Noeuva Ortografia Lombarda |
El licee scientifegh a l'è una scoeula segondaria che la se lo fà in Italia e che, dopo de cinch agn, la da un diploma ciamad de sòlet "maturità scientifega", cont un curriculum incentrad in su la scienza e la lengua latina.
L'è stad fondad in del 1923 de la reforma Gentile, anca se l'era sgiamò stad insubid in del 1909, in version senza latin, ma l'era stad no mitud per evità de dublegà l'istitut tecnegh de l'epoca e, fina al 1969, el permeteva no de studià giurisprudenza o letere e filosofia.
El gh'ha havud no gran sucess prima de la reforma Bottai del 1940, perché ogni scoeula superior la gh'haveva una soa scoeula media (el ginnasi per el Classegh, la scoeula tecnega per l'Istitut Tecnegh, la scoeula magistrala per l'Istitut Magistral) e donca per andà al scientifegh besognava cambià edifizzi, roba che la capitava no in di àlter scoeule, e per i limitazzion a l'éra retegnud un licee inferior. El boom, apont, el gh'è stad dòpo del 1969, quand che l'acess a l'università a l'è stad liberalizzad.
Cont el temp gh'è stad anca di sperimentazzion, compagn de vuna pussee scientifega, vuna pussee tecnega, vuna de quater agn e l'è stada mituda anca l'opzzion di "scienze aplicade", che la gh'ha no el latin ma la gh'ha l'informatega e l'opzzion sportiva, pensada per i sportiv de profession.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiversità el gh'ha dent risorse su Licee scientifegh
