Licee moderno
|
Quest articol chì l'è scrivud in lombard, con la Noeuva Ortografia Lombarda |
El licee moderno a l'è stad un licee in Italia fad su in del 1911 de l'alora minister de l'istruzzion Luigi Credaro, dopo che la Comission Real, in del 1906, l'haveva insubid un licee pussee per slargà l'orferta, e tolt via con la reforma Gentile del 1923.
'Sta comission chi l'haveva insubid de fà su un ginnasi unegh, de trii agn, e senza el latin, e poeu trii licee de cinch agn:
- El licee classegh, che 'l mena inanz el ginnasi licee alora in pè, cont i lengov classeghe e che 'l permeteva de andà inanz in ogni università
- El licee moderno, senza el gregh, con pussee de frances, un'oltra lengua foresta e pussee studi del dirit e de l'economia, senza la possibilità de andà a la facoltà de Letere
- El licee scentifegh, senza nissuna lengua classega, una segonda lengua foresta e pussee materie scentifeghe, senza la possibilità de studià letere o giursprudenza
El licee scentifegh l'è no ativad, perchè vist in competizzion con la sezzion fisega-matematega del Regio Istitut Tecnegh (el sarà poeu ativad de la reforma Gentile, propi a partì de quella sezzion li), ma l'è ativad el licee moderno, cont un ginnasi de du agn unegh e la possibilità de andà in d'una quajsevoeur facoltà universitaria.
Orari[Modifega | modifica 'l sorgent]
| Materie | Ginnasi | Licee | |||
|---|---|---|---|---|---|
| IV | V | I | II | III | |
| Italian | 4 | 4 | 3 | 3 | 3 |
| Latin | 5 | 5 | 3 | 3 | 2 |
| Franzes | 3 | 3 | 4 | - | - |
| Todesch o ingles | 4 | 4 | 3 | 3 | 3 |
| Storia e geografia | 3 | 3 | 4 | 4 | 2 |
| Dirit, economia e filosofia | - | - | - | 3 | 4 |
| Matematega | 2 | 2 | 4 | 3 | 3 |
| Fisega e chimega | - | - | 4 | 3 | 3 |
| Scenze naturai | 2 | 2 | - | 3 | 3 |
| Dissegn | 2 | 2 | - | - | - |
| Educazzion fisega | 2 | 2 | 2 | 2 | 2 |
| Total di ore ogni setimana | 27 | 27 | 27 | 27 | 25 |