Klara Dan von Neumann

Quest articol chì l'è scrivud in lombard, con la Noeuva Ortografia Lombarda

La Klara Dan von Neumann (Budapest, 18 de avost 1911 - San Diego, 10 de november 1963) a l'è stada 'n informatega ongaresa naturalizada statunitensa, mier del John von Neumann e vuna di prime programadore di computer.

Biografia

Nassuda a Budapest de 'na familia sciora de sgiudee, de sgiovina la deventa campionessa nazzional del patinà in figura. La se diploma in del 1929 al ginassi Veres Páln de la capital ongaresa.

Dopo de 'n para de matrimoni andad mal la se marida in del 1938 cont el John von Neumann e poeu vann a viver in di Stat Unid, indova che lavoren tucc e du a l'Università de Princeton, lu a tegnì un cors, lee inveci in del center per i ricerche de la popolazzion, e la resta lilinscì anca quand che 'l marid el gh'ha de andà a fà i cunt per el Proget Manhattan.

Fornida la guerra, la desvilupa insema al John el MANIAC I e poeu l'ENIAC, che ghe fa sora la prima prevision del temp a computer. La desvilupa anca varie interface per el sistema e ghe insegna a vari programator a doperàll.

Dopo de la mort del marid la se met insema, in del 1958, al fisegh Carl Eckart e la moeur anegada in spiaggia, in d'un incident che i autorità hann classifegad 'me suicidi.

Bibliografia

• • Dyson, George (2012). Turing's Cathedral: The Origins of the Digital Universe (1st ed.). New York: Vintage Books. ISBN 978-1-4000-7599-7. OCLC 843124457.
• John Von Neumann and Klara Dan Von Neumann Papers Arqiviad qé: [1]
• Bennes, Crystal (2022). Klara and the Bomb. Amsterdam: The Eriskay Connection. ISBN 978-94-92051-82-0.