Articol di 1000 che tucc i Wikipedie gh'hann de havégh

Juglans regia

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Juglans regia L.
Fòie, fiùr e fröcc de Juglans regia
Fòie, fiùr e fröcc de Juglans regia
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Fagales
Famìa: Juglandaceae
Zèner: Juglans
Spéce: Juglans regia
Nomm binomial
Juglans regia
L.
Juglans regia

Ol Juglans regia (ciamada Nos in lombard), specie de la fameja di Juglandaceae, l'è oeuna pianta olta fina a 25 méter, che la ven da l'Asia Minor e l'è stacia portada 'n Euròpa e l'è coltivada per i sò froeucc e suradetoeut per la sò lègna.

Foje[Modifega | modifica 'l sorgent]

De sólet con 7 fojoline, a forma de oeuv ma 'n poo a pónta e con l'òrlo intregh; la foja compòsta l'è lónga fina a 40 ghèi e l'è bèla vérda quando l'è cressida, ma apéna la boeuta i fojolina i gh'ha un color verd - ross.

Fior[Modifega | modifica 'l sorgent]

Ol Nos l'è monòico, cioè 'l gh'hà di fior dóma maschìi e di fior dóma feminìi soeu la stèssa pianta. Pioeu che de fior maschìl gh'è de parlà de 'nfiurescènza maschìl, oeun insèma de tance fior maschìi. L'infiorescenza del nos l'è un gèner particolar de spiga, l'è oeuna spiga che la pend in sgiò 'nvece de sta soeu drecia come 'n del forment e l'è ciamada amènto.

L'è toeuta verda, lónga fina a dés ghèi e la boeuta prima di foje o 'nsèma a i foje.

I fior feminìi i cress invece desperlor o 'n dù o trì e pò a lor i è toeui vércc.

Froeucc[Modifega | modifica 'l sorgent]

I froeucc (i nos) i si a maia, i è grancc pioeu o méno compàgn d'ün oeuf, i è de color prima verd e pò sèmper pioeu scùr de maniman che i madura; tiràd vià la roeusca scura, la signa fò la nos col sò goeus de lègn de spàca per tirà fò 'l gavoeum che l'è quell che s'maia.

Ol nos american o nos nigher[Modifega | modifica 'l sorgent]

Ol nos l'è mia de confonder col Nos american o Nos nigher, che l'è 'l Juglans nigra, che l'è un otra spéce anch se 'n poo la ghe soeuma al Nos.