Isole Tunb

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

La Granda Tunb e la Picola Tunb (persian: تنب بزرگ و تنب کوچک o anca Tonb-e Bozorg va Tonb-e Kuchak; in arabo: طنب الكبرى وطنب الصغرى o anca Tunb al-kubra wa Tunb al-sughra) fann su on picol rosc de isole in del golfo Persico (Abu Musa, Bani Forur, Forur, Sirri, Granda e Picola Tunb), arent al stret di Ormuz.

Storia[Modifega | modifica 'l sorgent]

Per savenn pussee, varda l'articol Conquista de Abu Musa e di Isole Tunb.

L'Iran l’esercita la sovranità in sui isole del moment la partenza di trupe britaniche dal Golf Persich (1971). La sovranità in su i do isole, e in su l'isola de Abu Musa, l’è vendicada Emirad Arabi Unid.

Geografia[Modifega | modifica 'l sorgent]

I isole a inn situade voeuna ai coordinade 26°15′N 55°16′E / 26.25°N 55.266667°E26.25; 55.266667 e l’altra ai coordinade 26°14′N 55°08′E / 26.233333°N 55.133333°E26.233333; 55.133333, a ona distanza de 12 km voeuna de l’altra, e presspoch 20 km a sud de l'isola de Qeshm.

El nom di isole el vegnariss de la parolla persiana Tonb (تنب) che la voeul dì « collina », o de quella araba Tunub (طنب) che la voeul dì « habitat »[1].

La Granda Tunb la gh’ha ona superfice de 10,30 km². I font a inn minga unanim in quant al numer di abitant: ona quaivoeuna la parla de ‘na quai donzena e di alter d’ona centena[2], inveci di alter i disen che l’isola ospita nanca on abitant[3]. In su l’isola la gh’ha sede ona guarnigion de l’armada iraniana e a gh'è on port de la marina iraniana e on stabiliment per la conservazzion del pess. La Piccola Tunb inveci è l'è desabitada.

Not[Modifega | modifica 'l sorgent]

  1. Guive Mirfendereski, Tonb (Greater and Lesser), Copia archiviata. URL consultad in data 1º giugno 2008(arqiviad de l'url orijenal in data 15 ottobre 2007)
  2. Guive Mirfendereski, Great Little Tonbs, http://www.iranian.com/GuiveMirfendereski/2001/May/Tonb/index.html
  3. Charles Recknage/William Samii, Islands Dispute Unlikely To Disrupt Improving UAE Ties, http://www.parstimes.com/history/iran_uae_dispute.html