Isola de Nedal
|
Quest articol chì l'è scrivud in lombard, con la Noeuva Ortografia Lombarda |
_map.png)
L'isola de Nedal (Christmas Island in ingles), cognossuda a nivell ofizzial 'me Territori de l'isola de Nedal (Territory of Christmas Island) a l'è un'isola piscinina de partenenza politega de l'Australia, vun di territori de foeura de l'Australia. La se troeuva in de l'ocean Indian a sud de l'Indonesia, per la precision a 350 km a sud de Giava e Sumatra e circa 1.550 km a nord-ovest del pont pussee arent in su la terra-ferma australiana. A l'è a 2.600 km a nord-ovest de Perth e 1.327 km a sud de Singapor e la se spantega per 135 km².
Geografia
[Modifega | modifica 'l sorgent]
L'isola de Nedal la contava una popolazzion de 1.843 persone in del 2016,[1] la pupart la viveva in insediament in su la banda setentrionala de l'isola: el principal center urban a l'è Flying Fish Cove. I australian asiategh cines, males e indian costituiven insema la pupart de la popolazzion.[2][3] Se dovren diverse lengov: el 27,8% di isolan el parla domà in ingles, el 17,2% sia in mandarin de Singapor che in males. In tra i olter lengov a troeuvom el cantones (3,7%) e el min nan (1,5%).[1] El budism e l'islam inn i religion principai del sit.[4]
Storia
[Modifega | modifica 'l sorgent]El prim europee a vedé l'isola l'è stad el Richard Rowe del Thomas in del 1615. L'isola la vegn poeu ciamada inscì el dì de Nedal (25 dicember) del 1643 del capitan William Mynors, che 'l passava de lì propi in quell dì lì.[5] I prim insediament inn però domà de la fin del secol XIX.
Note
[Modifega | modifica 'l sorgent]- ↑ 1,0 1,1 Dipartimento delle infrastrutture e dello sviluppo regionale. (EN) Censimento del 2016. URL consultad in data 7 aprile 2021.
- ↑ Peter Neville-Hadley. (EN) Christmas Island – the next big thing in travel? Home to Chinese, Indians and Malays, it's a fascinating mix of cultures. 14 dicembre 2017. URL consultad in data 7 aprile 2021.
- ↑ (EN) The Christmas Island Story, Vol. 36. 1980. URL consultad in data 7 aprile 2021.
- ↑ Australian Bureau of Statistics. (EN) Religious Affiliation (RELP). 7 novembre 2017. URL consultad in data 7 aprile 2021.
- ↑ Lorenzo Bortolin, Natale è...: Usi tradizioni storia leggende e curiosità, Effatà Editrice, 2014.
Alter proget
[Modifega | modifica 'l sorgent]
Wikinotizie el gh'ha dent notizzie in su Isola de Nedal
Wikimedia Commons el gh'ha dent imagin o alter archivi su Isola de Nedal
Wikivoyage el gh'ha dent Informazzion turisteghe su Isola de Nedal
