Inn nazzional de la Bosnia e Erzegovina
 |
Quest articol chì l'è scrivud in lombard, con la Noeuva Ortografia Lombarda |
LInn nazzional de la Bosnia e Erzegovina, ciamad anca Intermeco del titol de lavorà sernid del so autor, a l'è l'inn nazzional doperad in Bosnia e Erzegovina, componud del Dušan Šestić: el gh'ha minga un test ofizzial, anca se n'inn stad insubid vari.
El regorda un intermez d'orchestra, de chi el nom de lavorà, l'ha sostituid el vegg inn Jedna si jedina, che ghe piaseva no a serb e croat: l'autor de l'inn, de etnia serba, l'ha ricevud varie menace e ingiurie per havé scrivud l'inn, menter vari bosgnach e croat eren contrari a l'ideja che l'inn el fuss scrivud de un serb.
'Me inn, l'è sostegud e aprovad soratut di bosgnach, cont i serb che despess inn propi contrari e 'l respeten nanca e i croat che l'aceten minga trop.
A l'è vun di poch inn nazzionai a vesser sota copyright, che 'l parten al Stat bosniach.