Indeboliment (acustica)

Quest articol chì l'è scrivuu in lombard, grafia milanesa.

In acustica, con indebolimént a se intend ‘na sbassada de la vastitaa d'on’onda sonòra in resón di caratteristich sò, de quèj de la sorgént e de quèj del mèzz che 'l ven intraversàa.

A la bonascia se pòden distìngu du tipi de indebolimént: on primm tipo caosàa del fenòmen de spantagada de la potenza mandada foeura de la sorgént e ‘n segónd caosàa, a livèll macroscòpich,de la stralattonaria de l’energia in forma de calor.

Spantegada

Ona sorgént sonòra l’ingenera ‘na perturbazión che la se propaga in del spazzi che ‘l ghè intorna cont ona potenza associada iniziàl Pt, o pussée in generàl ona potènza trasmìssa. In assenza de pèrdit, quèlla potenza chì la rèsta invariada e l'è la potenza associada a la perturbazión, ma la se destribuìss in manera pu o manch uniforma, a segonda di caratteristich de la sorgént, in su la superfice rappresentada del front d’onda. Sta destribuzión chì de la potenza in su ‘na superfice che va adrée a aumentà come che la distanza de la sorgént la va su, la fa de manera che la vastitàa de la perturbazión ind on cèrt pont la vaga a sbassàss manemàn con l’aumentà de la distanza de la sorgént, fin a diventà nagòtt a ‘na distanza infinida.

Indeboliment caosaa di pèrdit per assorbiment

I daa reàj i fànn vedè che ‘l fenòmen de l’indeboliment per assorbimént, caosàa de l’interazión infra la perturbazión e ‘l mèzz de propagazión, el dipénd de la freguenza, adrée a ‘na leg de potenza. In funzión de sta forma de dipendenza chì, l'onda sonòra, a càosa del fenòmen de l'assorbimént, la subìss minga domà ‘na variazión de vastitàa, ma 'na vèra e pròppia storgidura compagna de la dispersiòn ottica. Per presentà vun di modèj dopràa in manera semplificada a l’è utìl a fa riferimént al caso de l’onda piana sinusoidàl:

A(x,t)=cos(\omega _{0}t-kx)

,

indoe $t$ el rappresenta el temp, $\omega _{0}=2\pi f_{0}$ la freguenza angolar, $x$ el spazzi e $k$ el vettor d'onda (o numer d'onda) definìi come

k=\omega _{0}/c_{0}

,

indoe $c_{0}$ el rappresenta la velocità de fase de l'onda, o velocità di propagazión.

Per quèsta sempliz applicazión l'è assée doprà on tèrmin de moltiplicazión per tirà denter in del modèll l’indebolimènt caosàa di pèrdit per assorbimènt. Quèll’espressión chì la mena a

A(x,t)=cos(\omega _{0}t-kx)e^{-\alpha x}

,

indoe

\alpha =\alpha _{0}+\alpha _{1}|f|^{y}

.

I parameter $\alpha _{0}$ , $\alpha _{1}$ e $y$ a definissen i caratteristich del mèzz indoe la perturbazión la va innànz. In de la tabèlla seguènta a vegnen presentàa di valór de riferimént. $\alpha _{0}$ generalmènt l’è assùnt a zero.

Material	$\alpha _{1}dB/MHz^{y}-cm$	$y$
Sangu	0.14	1.21
Milza	0.4	1.3
Scinivèlla	0.58	1.3
Fidegh de l’òmm	0.45	1.05
Acqua	2.17 e-3	2

Amalastant la semplicità del modèll presentàa, chesschì a l’è comunque bon de dà ‘na primma approssimazión di pèrdit che on’onda acustica che la se propaga ind on quaisevoer mèzz la subìss.

In del grafich chì adrée a l’è rappresentada l’andana de la vastitàa d’on onda piana che la va innanz ind on mèzz genèrich in fonzión de la freguenza.

Aplicazion

El fenòmen de l'indeboliment ligàa a la propagazión d’on onda acustica a l’è d’impotanza fondamentàl in del camp de la diagnosi per immagin (soratùtt in l’ecografia e in di tècnich de lee derivàa). Quèll fenòmen chì el limita defàtt la profondità de penetrazión di ond acùstich e la qualità de l’immàgin che la se riess a ingenerà conte l sfruttà la propagazión di ultrasón denter in del còrp di òmen. Per via de l’importanza fondamentàl, donca l’è essenziàl el svilùpp de modèj semper pù curàa de manera de riessì a capì quèll fenòmen chì in manera semper pussée precisa e dettagliada.

Bibliografia

Thomas L. Szabo, Diagnostic Ultrasound Imaging.

Voci correlad