Intensità sonòra

De Wikipedia
(Rimandad de Intensità acustica)
Lumbard ucidental Quest articol chì l'è scrivuu in lombard, grafia milanesa.

L'intensità acustica o sonòra a l’è ‘na grandèzza fisica definida come ‘l rappòrt infra la potenza d’on'onda sonòra e l'area de la superfice che lee l'intraversa; oppùr come l’energia che in del cors de l’unitàa de temp l’intravèrsa l’unità de superfice perpendicolàr a la direzión de propagazión del son ind on cèrt pont.

In del Sistéma Internazional l'intensità acustica la ven misurada in watt al meter quadraa, in sìmbol W/m2.

L'intensità acustica l’è ligada in manera indirètta al volumm sonòr, o ben la qualità che la distingu i son dèbol e quèj fòrt, ch’a l’è ‘na grandèzza ligada a la psicoacustica.

L'orèggia de l’òmm l’è bòna de percepì di intensità acustich che varién ind on intervàll molto grand (12 órdin de grandèzza): a se definìss soeuja de scoltabilità I = 10-12 W/m2 , valór sòta el quàl nò l’è pù possìbil a percepì nissùn rumór, inveci la se ciama soeuja del dolór el valór I = 1 W/m2 sora el quàl a se comenza a provà del dolór fìsich.

Pe via de l'ampia escursión di intensità acustich di son scoltàbil, se dopera de sòlit ‘na scala logaritmica (che la gh’hà come pont de riferimént el valór de la soeuja de scoltabilità) definida livèll de intensità acustica (Intensity level in lengua inglesa, IL), o livèll sonòr, e despèss misuràa in decibel:

Degià che l'intensità l’è definida come el rappòrt intra la potenza portada adrée de l'onda e la superficie che lee l’intravèrsa, in del caso di ond sféregh, l’intensità l’è definida inscì:

indoe r a l'è el ragg de la superfice sferega intraversada

Definizion matematica[Modifega | modifica 'l sorgent]

L'intensità acustica, indicada con I, l’è definida per mèzz de la formola

indoe

Tant I quant v hinn di vettór, donca gh’hànn tucc e du ‘na direzión oltra che ‘n mòdol. La direzione de l'intensità acustica a l’è la direzión media de l'energia sonòra in esàmm.

L'intensità acustica media adrée al T l’è fornida de