Immanuel Casto

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
L'Immanuel Casto in del 2015.

L'Immanuel Casto, nòmm d'art de Manuel Cuni (Éla de Sère, 16 de settember del 1983), a l'è on cantautor talian.

A gh'è staa taccaa-adree la numerada de «El Casto Divin» putost che de «El prinzip del Porn Groove»[1].

Biografi[Modifega | mudìfica 'l sorgènt]

Primm publicazion[Modifega | mudìfica 'l sorgènt]

Nassuu in provincia de Bergom, in del 2002 a l'è andaa a viv a Bologna per lavorà comè direttor artistegh in d'on'agenzia de comunicazion[2]. Intra el 2003 e 'l 2004, cont el pseudonom de Immanuel, a s'è produu e publicaa digitalment in desperluu i album On the Road, Voyeur e Vento di erezioni, caratterizzaa da sònoritaa ligaa a la musega elettronega e temategh che parlen de la sessualitaa, cuntaa-sù in d'ona manera ironega. In del 2005 a l'è staa publicaa l'album quatter, Deflorato, cont di riferiment musegaj ai bran dance di agn settanta.

L'Immanuel Casto in del 2006.

In del 2006 l'ha publicaa el video musegal de Che bella la cappella, bran che a l'è pien de doppi-sens religios-eròtegh[3]. In del period istess el g'ha ciappaa-part a trasmission radiofonegh sora l'internet, oltra a avegh presentaa l'album cinqu Feel the Porn Groove, caratterizzaa da on stil lounge e chillout. El farà nass el sotta-gener porn groove[4], che, de fatt, el dopera musega dance e 'l se compagna cont di test esplicit che parlen de sess, prategh sessuaj estremm e la prostituzion[5].

In del 2008, a l'è staa publicaa el bran Anal Beat, cont ona sonoritaa strimedament dance-agn vottanta. El rezev l'invid per la partecipazion a on backstage per l'MTV che 'l confluiss in d'on "special" del prògrama, Loveline, menter el giornal spagnoeu El País el ghe dedica on articol[6]. In del stess ann l'ha publicaa l'EP Io batto. Depos del video musical del bran 50 bocca/100 amore, l'Immanuel Casto l'ha firmaa on contratt cont la Jle Management. In del mes de giugn del stess ann el s'è esebii al Gay pride nazional e l'ha seraa el concert insemma al Lisander Fullin e al Fabi Canino. In seguit, l'ha publicaa la raccòlta The Hits.

Adult Music[Modifega | mudìfica 'l sorgènt]

Cont l'inizzi del 2009, el cantant l'ha programaa el primm gir nazional; In quell period l'è staa anca publicaa el singol Touché (Par l'amour), venduu per la prima voeulta per mezz de la scompartizion digitala. In del video musical del bran, l'Immanuel Casto a l'è compagnaa da on corp de ball femminil, le Beat Girls, menter la produzion del bran a l'è stada dada al musecista Keen. Chest singol chì el va in programazion in radio e su l'All Music, oltra a vess recensuu dal TGcom cont on'intervista sora i progett futur del cantant[7].

In del 2010 a hinn staa publicaa i singoj Escort 25 e Crash (chest'ultem chì cont la partecipazion vocala de la Romina Falconi), che a gh'hann antezipaa la publicazion del primm album offizial Adult Music, sortii in de la primavera del 2011 e scompartii da la Universal Music Group. A november del 2011 a l'è sortida per el download digital la raccòlta Porn Groove 2004/2009, che la gh'ha denter di re-rangiament de squas tucc i primm canzon del cantautor.

A partì dal 15 de november 2010 fin a mitaa del desember 2010 a l'è staa intra i òspit fiss in de la trasmission televisiva Loveline in onda sora l'MTV Italia. In del 2012 l'ha firmaa la colòna sonora Porn to be Alive per la seri de la red Kubrick - Una storia porno, produzida da Magnolia Fiction.

In del 2012 l'ha inventaa el gioeugh de cart Squillo, in del qual chi che gioeuga l'ha de fà finta de vess on sfruttator che ghe piass la dròga e 'l sess estremm[8]. Prima che 'l gioeugh el fudess scompartii, el 9 de ottober del 2012, la senatora Emanuela Baio Dossi, che l'ha pensaa che 'l gioeugh el flusciava la mercanzifigazion del còrp di donn, l'uso de eroina, de anti-depressiv e prategh sessuaj minga uman, l'ha domandaa la rimozion dal mercaa in ona session parlamentara[8][9][10][8][11].

Freak & Chic[Modifega | mudìfica 'l sorgènt]

In de l'april del 2013, el s'è esebii per la prima voeulta in su la Rai in del programa Aggratis! cantand Crash[12]. In del mes de giugn el torna-indree a Aggratis! per cantà Zero carboidrati e poeu el se esebirà in de l'ultema serada del Palermo pride nazional, inanz a pussee de 40.000 spettator[13].

El 13 de settember del 2013, l'Immanuel Casto l'ha publicaa l'album sett in studi Freak & Chic[14], antezipaa in del mes de magg dal singol Tropicanal[15]. Per fà mozion a l'album a hinn staa faa sortii anca i singoj Sexual Navigator e Sognando Cracovia, chest'ultem cantaa in duett cont la Romina Falconi e che l'ha daa el nomm all'ultema tappa del gir.

The Pink Album[Modifega | mudìfica 'l sorgènt]

El 15 de giugn del 2015 a l'è stada annunciada la sortida d'on noeuv singol, intitolaa Deepthroat Revolution e publicaa ona settimanna depos[16]. A la canzon chì a l'è seguii l'annunci de l'album vott in studi The Pink Album, sortii el 25 de settember e preceduu anca dal segond singol Da grande sarai fr**io[17].

Discògrafi[Modifega | mudìfica 'l sorgènt]

    Album in studi[Modifega | mudìfica 'l sorgènt]

    Raccòlt[Modifega | mudìfica 'l sorgènt]

    Extended play[Modifega | mudìfica 'l sorgènt]

    Singoj[Modifega | mudìfica 'l sorgènt]

Bibliografi[Modifega | mudìfica 'l sorgènt]

Nòt e alter progett[Modifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:
  1. Giovanni Ferrari, Immanuel Casto: "Sono pronto per Sanremo", Panorama, 25 de november del 2014. URL consultato l'11 de dezember del 2015.
  2. Mr Muzik Off: Immanuel Casto presenta il suo "Killer Star", Gazzetta di Modena, 3 de dezember del 2011. URL consultato il 1 de ottober 2015.
  3. Veronica Valli, Casto, principe del porno-groove «Ruby? Siamo nella società del sesso», Il Corriere del Mezzogiorno, 29 de ottober del 2010.
  4. Cosa si fa questa sera? L'Adult music tour di Casto, la Repubblica, 9 de ottober del 2010. URL consultato il 30 de ottober del 2011.
  5. Fulvio Paloscia, Io, cantautore molto ironico del sesso spinto, la Repubblica, 30 gennaio 2009. URL consultato il 10 aprile 2010.
  6. (ES) ¿A qué suena el porno pop?, El País. URL consultato il 26 de gennar del 2010.
  7. Immanuel, casto ma non troppo, TGcom. URL consultato il 26 de gennar del 2010.
  8. 8,0 8,1 8,2 Il gioco di ruolo con le squillo fa scandalo, Giornalettismo.it, 31 de ottober del 2012. URL consultato il 20 de november del 2012.
  9. Legislatura XVI - Senato della Repubblica Italiana - Resoconto stenografico della seduta n. 810 del 9 ottobre 2012 - Per il ritiro dal mercato del gioco «Squillo»
  10. L'intervento ha determinato la sospensione, per alcuni giorni, della prevendita telematica che avveniva sul sito web dedicato al gioco.
  11. Legislatura XVI - Senato della Repubblica Italiana - Resoconto stenografico della seduta n. 816 del 18 ottobre 2012 - Per il ritiro dello spot promozionale del gioco "Squillo"
  12. #Aggratis anticipazioni 26 giugno: Ospiti Immanuel Casto, Lory Del Santo e Selvaggia Lucarelli, lanostratv.it. URL consultato il 30 settembre 2014.
  13. Immanuel Casto chiude il Pride Il "Porn Groove" sbarca a Palermo
  14. Freak & Chic, iTunes. URL consultato il 16 giugno 2014.
  15. Tropicanal - Single, iTunes. URL consultato il 16 giugno 2014.
  16. Massimiliano Longo, IMMANUEL CASTO sta per tornare con il singolo "DeepThroat Revolution" e una biografia, aLLMusicItalia, 19 de settember del 2015. URL consultato il 21 de agost del 2015.
  17. Michele Monina, Immanuel Casto, il nuovo video 'Da grande sarai frocio': "Gay è bello, dai libero sfogo a quell'istinto ricchioncello", il Fatto Quotidiano, 17 de settember del 2015. URL consultato il 19 de settember del 2015.

Ligamm de foeura[Modifega | mudìfica 'l sorgènt]