Hirundo rustica

De Wikipedia
Lumbard ucidental Quest articol chì l'è scrivuu in lombard, grafia milanesa.
Hirundo rustica
occ.: randola, rondola, rondena, rondana
or.: róndena
Subespecie europea (H. r. rustica) en Dinamarca.
Subespecie europea (H. r. rustica) en Dinamarca.
Stat de conservazion
Classifigazion sientífiga
Regn: Animalia
Phylum: Chordata
Clas: Aves
Ùrden: Passeriformes
Famìa: Hirundinidae
Zèner: Hirundo
Spéce: H. rustica
Nomm binomial
Hirundo rustica
Linnaeus, 1758
     Zona in de che la se reprodüs     Residenta     Zona in de che la passa l'inveran
     Zona in de che la se reprodüs     Residenta     Zona in de che la passa l'inveran
Parnonzia Milanesa del nomm





La Hirundo Rustica, mej cognossuda cont el nomm popolar de Randola Comun (parnonzia IPA: /'randulɒ cʊ'myn/), o anca, a segonda de la zonna, Rondola, Rondena, Rondana e, in finn, cont l'italianism Rondin, l'è on usell che 'l pertocca a la fameja di Hirundinidae (passer) e l'è de natura migradora.

Ona randola che la va a la cascia

Parvenza[Modifega | modifica 'l sorgent]

La randola comun l'è longa di desnoeuv ai vintduu ghej (centimeter), di duu ai sett de quist hinn formaa de la cova, e la pesa di sedes ai vintun gramm (i donn de la randola pesen on cicininn pussee, ciovè di sedes ai vinttrii gramm). La spanda de sgor l'è di trintaduu ai trintaquatter ghej.

El cant d'ona randola
Cinch oeuv de randola

La randola comun l'è bella magrolina e la gh'ha chella sova caratteristega cova a ventaj. La sova s'cenna l'è de color metallegh bloeu-negher, menter la sova panza l'è de color de la panera. La gora inscambi l'è 'l color di castegn. In su i penn de la cova la gh'ha di smaggitt biancaster.

Cinch randolitt

Stil e Rapiditaa de Sgor[Modifega | modifica 'l sorgent]

Ona Randola comun la sgora a des-vint meter al segond e la sbatt i ar di quatter ai des voeult al segond.[3] La randola, a diffarenza de olter usej de demension compagn, quand che la va a la cascia la sgora bella bassa, la sgora ciovè in tra i sett e i vott meter del terren.[4][5]

Vos[Modifega | modifica 'l sorgent]

El ciam de la Randola l'è bell volt e vun el po sentì 'l so cant sia quand che l'è dree a sgorà che quand che la speccia settada sgiò in su on brocch o in su 'l tecc de 'na cà. El so cant l'è melòdegh, el va su e sgiò, e l'è 'na mestura de scinguettij dolz e linger, ma anca de son pussee ruved.

Habitat[Modifega | modifica 'l sorgent]

La randola l'è de cà sota i tecc di cà, di stall o di er, e in tucc i sitt indova vun el troeuva praa, laghett o anca paltan. I randol passen i mis in tra avril e settember/otober in di zonn indova se cobbien, ciovè on poo departutt in Europa, Nordafrica, Asia e Nordamerica, finn a 1000 meter sora 'l nivell del mar e finn anch al Serciol Polar. I Randol europee passen l'invern in de l'Africa centrala e meridionala.

Nutrizion[Modifega | modifica 'l sorgent]

I randol vann a cascia de insett de tutt i sort a segonda del sitt indova se troeuven, del temp e de la stagion.

Robb Curios[Modifega | modifica 'l sorgent]

La randola comun l'è stada l'usell de l'ann in Germania in del 1979[6] e in del 2004 l'è stada l'usell de l'ann in de la Sguissera.[7]

La randola l'è l'usell naional de l'Estonia.

La randola l'è part de l'emblemma de la ligna aerea orientala chines, ciovè la China Eastern Airlines.

Referiment[Modifega | modifica 'l sorgent]

  1. Liechti, Felix; Bruderer, Lukas (2002). "Wingbeat frequency of barn swallows and house martins: a comparison between free flight and wind tunnel experiments". The Journal of Experimental Biology 205: 2461–2467. The Company of Biologists. 
  2. Turner, S. 166
  3. Turner, S. 227
  4. Vogel des Jahres (Deutschland): 1979
  5. Vogel des Jahres(Schweiz): 2004