HPKG
|
Quest articol chì l'è scrivud in lombard, con la Noeuva Ortografia Lombarda |
HPKG (ciamad anca Haiku Delta Packages) a l'è el formad doperad de Haiku per la soa gestion di pachet.
Strutura
[Modifega | modifica 'l sorgent]Un file HPKG a l'è fad su de un magic number, che l'identifega el file 'me tal, el gh'è poeu un header, che 'l gh'ha dent di informazzion compagne del numer de element dent al file, l'offset di dacc e inscì via, che servissen al sistema per capì 'me interpretà e doperà el file. El rest del file a l'è considerad heap e l'è partid in chunk, vun dree a l'alter, che se compress quand che inn decompress gh'hann una grandezza de 64 KB, foeura che per el darrer, che 'l po havégh una dimension arbitraria. Infin, a gh'è i longhezze compresse di file, roba che la permet a Haiku de andàgh dent al file con acess casual e de savé quand fermàss in l'interpretazzion di chunk.
Installazzion
[Modifega | modifica 'l sorgent]I file HPKG inn de solit ciapad de Haiku Depot, del tool de riga de comand pkgman o de una quajsevoeul font.
L'installazzion, che tool tant 'me Haiku Depot o pkgman fann in automategh, la consist in del moeuver el pachet in la directory /system/packages, indova che 'l sarà montad in domà letura in del file system virtual del sistema.
La disinstallazzion la po vesser fada a doperà el Tracker per toeu via el pachet de quella directory, o a travers del gestor di pachet.