Guerra anglo-zanzibariana

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El palazz despoeu el bombardament

La Guerra anglo-zanzibariana l'è stada ona guerra in tra el Regn Unii e Zanzibar, fada el 27 de agost del 1896. L'è considerada la guerra pussee corta de la storia, cont ona durada de circa 40 megnuu.

El casus belli l'è staa la mort del sultan Hamad bin Thuwaini, a favor de l'Imper Britannegh, el 25 de agost, e de la salida in sul scagn del sò nevod Khalid bin Barghash, contrari ai interess d'ingles, che preferiven l'Hamud bin Muhammed comé sultan. Vuna di condizion per podè vess sultan l'era l'approvazion del consol britannegh, e 'l Khalid la gh'aveva no l'approvazion.

Donca i ingles han ordinaa al Khalid de ritirà i sò omen del palazz real, ma lu l'ha refudaa, donca ai or 9:00 del 27 agost i ingles manden 5 nav e 1050 omen, contra i 2800 omen de Zanzibar, giudaa del Sultan. Gh'è staa anca ona bataja navala, che l'ha portaa a la distruzion del yackt del Sultan.

Ai 9:02 el Palazz l'è staa bombardaa, e i soldaa de Zanzibar han sparaa, inutilment, contra i ingles. Ai 8:40 gh'è staa el cessee el foeugh e la bandéra reala buttada giò.

L'esercit de Zanzibar l'ha perduu pussee de 500 soldaa, inveci quell ingles domà on ferii gram, che poeu el s'è riprenduu.