Gran Premi de Monaco
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Gran Premi de Monaco de Formula 1 el se corr in söl circüit de Montecarlo in del Principaa de Monaco. L'è un Gran Premi valid per el Campiunaa del Mund de Formula 1 dal 1955, e l'è staa valid anca nel 1950.
El circüit
[Modifega | modifica 'l sorgent]El circüit del Gran Premi de Monaco l'è lungh 3,337km e i piloti i gh'hann de fà 78 giir per finì el Gran Premi. El circüit l'è vün di püssee lenti, strench e impegnativ del calendari e 'l gh'ha 19 cürvi. El giir el cumincia cunt el rettilineo di box, che el finiss cun la prima cürva, de spess teatro de incidenti a la partenza, la Saint Devote. Dopu la Massenet e 'l Casino, dü cürvi abastanza velus, se rüva a la part püssee lenta del circüit, cunt i tornanti Mirabeau e de la Vegia Stazion e la dificil cürva a destra Portier. Dopu el lungh rettilineo del Tunnel, el pilota el gh'ha de frenà fort per ciapà la Nouvelle Chicane. Dopu la cürva a sinistra del Tabacatt, i gh'henn i dü chicane di Pisèn. El giir el finiss cunt el turnant de la Rascasse e la cürva a destra Anthony Noghes, che la porta in söl rettilineo di box.
Piloti püssee vincenti
[Modifega | modifica 'l sorgent]- Ayrton Senna (1987, 1989, 1990, 1991, 1992, 1993) - 6 vitori
- Graham Hill (1963, 1964, 1965, 1968, 1969) e Michael Schumacher (1994, 1995, 1997, 1999, 2001) - 5 vitori
- Alain Prost (1984, 1985, 1986, 1988) - 4 vitori
- Stirling Moss (1956, 1960, 1961), Jackie Stewart (1966, 1971, 1973) e Nico Rosberg (2013, 2014, 2015) e Lewis Hamilton (2008, 2016, 2019) - 3 vitori