Google dorking
|
Quest articol chì l'è scrivud in lombard, con la Noeuva Ortografia Lombarda |
Per Google dorking se intend el doperà de 'n motor de ricerca, de solit el Google, per descovrì boeugg de sigurezza o informazzion reservate che se poden doperà per descovrì pussee in su di obietiv.
Per esempi, i Google Dorks permeten de descovrì software vulnerabil, file con dent di informazzion reservade, sistema minga protesgiud o archivi de file. L'ideja l'è stada tirada foeura in del 2002 del ricercator Johnny Long e poeu inn stad dad foeura vari software, liber e liste che permeten de doperài in d'una manera ben fonzionala.
El file robots.txt el permet de havégh una quaj protezzion, a dìgh ai motor de ricerca de stà minga lì a indicità el sit, ma un utent el po comunque andàgh sora a man e doperàll 'me bas per la soa analisi: di entità compagne del National Institute of Standards and Technology el retegnen 'na forma de sigurezza a travers de la secreteza e la consilien minga.