Giuliano Razzoli

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa ünificàda Lombard oriental


Sömeànsa del Giuliano Razzoli

Ol Giuliano Razzoli l’è ü sciadùr nasìt a Castelnovo ne' Monti, in pruìnsa de Regio Emilia ol 18 de dezèmber del 1984.

La sò specialità l’è ‘l slalom speciàl e pròpe ‘n chèsta specialità ol 27 de Fevrér del 2010, a i Ulimpìadi d’Invèren de Vancuver in Canada, l’à enzìt la medàia d’ór pròpe 'n slalom speciàl, denàcc al Ivica Kostelic, segónt, e al André Myhrer, tèrs. Ol sò suernòm l’è Razzo.

L’à tacàt a scià a l’età de 4 agn, l’à facc la sò prima gara de Còpa Eüròpa in del 2005, menimà ol 18 de Dezèmber del 2006 l’à partecipàt a la sò prima gara de Còpa del Mónt che l’éra ‘l slalom de l’Ólta Badéa, l'è riàt 36° isé l’è mia pasàt a la segónda manche.

Ol 27 de zenèr del 2007 l’à facc i sò prim póncc in Còpa del Mónt, de fati l’è riàt 24° a Kitzbuehel.

Ol 6 de zenèr del 2009 l’è riàt per la prima ólta söl pòdio, tèrs de dré al Jean-Baptiste Grange e al Ivica Kostelic sö i nif de Zagabria ach se l’éra partìt col nömer 43.

Sèmper sö i nif de Zagabria, sèmper ol 6 de zenèr, ma del 2010 l’à ènzìt la sò prima gara denàcc al Manfred Moelgg e al Julien Lizeroux.

Ol sò sito[<small>Mudifega</small> | mudìfica 'l sorgènt]

http://www.giulianorazzoli.it/