Giuli Cesar Gabussi

Quest articol chì l'è scrivud in lombard, con la Noeuva Ortografia Lombarda

El Giuli Cesar Gabussi (Bologna, 1555 – Milan, 12 setember 1611) a l'è stad un diretor d'orchestra e composidor talian.

Vita

L'ha ricevud la so formazzion a Ravena e Loreto, del Costanz Porta. In del 1580 el vegn maister de capella a la Catedrala de Forlì. In del 1582 el so maister el gh'ha una visida del cardinal Carlo Boromee, arcivescov de Milan a Loreto e el gh'ha l'oferta de ciapà la direzzion de la Capella de Musega de la so catedrala, el Porta l'aceta minga l'invid del cardinal; impunemanch, l'invia a Milan el so allev Gabussi, che el lavora del 1583 in de l'istessa posizzion al Dom de Milan, posizzion che l'era stada lassada libera del Pietro Pontio in del 1581 o 1582.

Despoeu de una permanenza a Varsavia, indova che el lavora al servizzi del re polach Sigismond III (in tra marz 1601 e luj 1602), el torna a la so veggia posizzion al Dom de Milan, in fina a la so mort.

Oeuvre

Stil

El so stil compositiv al cambia un zich in tra i so prim oeuvre, che inn tard-renassimentai, e i so oeuvre posterior, de stil tipegh baroch.

Lavorà

L'ha scrivud liber de motet per 5 e 6 vos (Venezzia, 1586), du liber de madrigai per cinch vos (Venezzia, 1580, 1598), un Te Deum per quater vos (Milan, 1589), liber de Litaniae ambrosianae per el rit ambrosian segonda i regole del concili de Trent, a l'è stad de fad vun di prim composidor a scriver per el rit ambrosian e vun di prim a doperà i regole del concili.

Ligam de foeura

• Giuli Cesar Gabussi, in su Treccani.it
• Giuli Cesar Gabussi, in su Encyclpedia.com
• Giuli Cesar Gabussi, in su Oxfordmusiconline.com