Gipo Farassino
|
«Podèj torné për un moment masnà,
podèj torné a core an mes la strà |
(Gipo Farassino, Cor nen va pian.)
|
El Giuseppe Farassino, cognossuu 'me Gipo (Turin, vundes de marz del 1934 – Turin, vundes de dicember del 2013) l'è staa on cantautor e politegh piemontes.
A l'è staa vun di cantant pussee important de la canzon piemontesa.
L'aveva scominciaa la soa cariera 'me cantant melodegh cont el stranomm de Tony D'Angelo a la fin di agn '50, in de la banda del Renzo Gallo.
Comè cantant e autor, a partì di agn '60 l'ha scominciaa a virà invers la musega popolar e quella pussee impegnada politicament (al temp l'era vesin ai posizion del Partii Comunista Italian). El sò sucess pussee gross, in italian e in piemontes, gh'è staa in di agn '70. Poeu l'ha faa anca l'ator del cine e del teater.
A la fin di agn '80 el s'è vesinaa ai posizion de la Lega Nord, che l'era dree a nass proppi in quei dì là. In del 1994 l'è staa eleggiuu al Parlament Europee. In del 2004-2005 l'è staa anca assessor in d'ona gionta regional del Piemont de center-destra.
A partì del 2001 l'è tornaa a cantà e fà spetacoi. In de la soa produzion artistega l'ha publicaa ona trentena de disch.
Discografia
[Modifega | modifica 'l sorgent]- Le canson ëd Pòrta Pila (1962)
- Le canson ëd Pòrta Pila 2 (1962)
- Le canson ëd Pòrta Pila 3 (1963)
- Mè cit Turin (1963)
- Auguri (1966)
- Avere un amico (1967)
- Due soldi di coraggio (1969)
- Gipo a sò Turin (1970)
- Gipo a sò Piemont (1971)
- Ij bogianen (1972)
- Uomini, bestie e ragionieri (1973)
- Mè car Artuf (1974)
- La patria cita (1974)
- C'è chi vòle e chi non pòle, grassie listesso (1974)
- Guardia che bianca lun-a (1975)
- Mantello, stivali e coltello (1975)
- Recital Gipo (1976)
- Ij mè amor dij 20 ani (1976)
- Per la mia gente (1977)
- Turin bel cheur (1978)
- N'aptit da sonador (1982)
- Piemontèis (1985)
- Canson d'amor (1988)
- Piemontèis (1996)
- Gipo Farassino (1996)
- Ridatemi Amapola (1998)
- Ritratto d'artista (2000)