Giüdee Capitel Ses

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Ses

¹Dunca, despö che lassum dedree la parola prenzipala del Crist, sarìum purtaa inanz a la madüritaa, no pundand de növ un fundamént de revedimént di oper mort e de la féd in de Diu, ²de la dutrina di batesim, de l'imponn di man, la resüreziún de la mort e de la cundana etèrna. ³E farèmm chèst, se Diu 'l lassa. ⁴Già che l'è no pussibil per lur che una völta hinn staa ilüminaa, che hann sagiaa i regaj celestiaj e hinn devegnüü cumpagn in del Spirit Sant ⁵e hann sagiaa la buntaa de la parola de Diu e i püder del secul che l'è dree a vegnì ⁶e despö che de növ hann burlaa giò fà növ al revedimént--crusefigen de növ per lur medemm el fiöö de Diu e ghe meten föra al desunúr püblegh. ⁷Già che tèra che l'ha bevüü la piöva che suvént la gh'è vegnüda e la prudü erba verda ütila per quij per via di quij l'è rigulaala ricev una benediziún de Diu; ⁸ma chèla che la prudü i spinn e i spinun, l'è inütila e vesin de malediziún, de la qual la fin l'è 'l brüsà.
⁹Ma sèmm staa persuas sü chèst, predilètt, de coss che hinn mejúr e che hann salvéza, se anca parlum inscì. ¹⁰Già che Diu l'è no ingiüst de desmentegà la vostra opera e 'l bén che avii mussaa per el sò nomm, intanta che servavii e servii i sant.
¹¹E desiderum che ogni de vialter mussii la medema diligénza a la fidüzia de la speranza fin a la fin, ¹²perchè devegnii no pedegh, e imitadúr de lur che erediten travèrs la féd e la paziénza i prumèss.
¹³Già che intanta che Diu l'ha faa la sua prumèssa a Abraham, già che 'l gh'aveva nigün püssee grand per el qual giürà, l'ha giüraa per Lü medemm ¹⁴quand el dis, «Se certamént disend bén te benedisi, e fasend crèss te faruu crèss»; ¹⁵e inscì despö che l'ha perseveraa, l'ha utegnüü la prumèssa. ¹⁶Già che i omen giüren per la cossa püssee granda, e 'l giüramént l'è la fin d'ogni cuntestaziún per lur a una cunfermaziún, ¹⁷per el qual Diu, quand el vör fà vedè magiuramént a i ered de la prumèssa l'imüdabilitaa del sò cunsej l'è vegnüü intra per un giüramént, ¹⁸perchè per dò coss imüdabij in di quij l'è no pussibil che Diu 'l büsia gh'avarìum un incuragiamént fort nümm che èmm scapaa via a tegnì sald a la speranza che l'è metüda denanz; ¹⁹la qual gh'èmm cumè un'ancora de l'anema che l'è següra e salda e la va denter a la part püssee interna del vél, ²⁰due 'l precürsúr per nümm, Gesü, l'è naa denter segund l'orden de Melchizedec, despö che l'è devegnüü un sacerdott scèff per semper.

Navigaziun

• ← Indree a Capitel Cinch
• Inanz a Capitel Sett →
• A l'indes