Giüdee Capitel Cinch

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Giüdee[Mudifega | mudìfica 'l sorgènt]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch[Mudifega | mudìfica 'l sorgènt]

1Già che ogni sacerdott scèff che l'è ciapaa di omen per i omen l'è numinaa a i coss de Diu, perchè lü ufri sia regaj sia sacrifizi per i pecaa, 2essend capaz d'avegh cumpassiún a lur che sann no e hinn imbrujaa, già che lü medemm l'è incumpassaa cun debuléza 3e per via de chèst l'è ubligaa, cumè per el popul inscì per lü medemm, a ufrì per i pecaa. 4e quajdün ricev no l'unúr a lü medemm ma l'è ciamaa de Diu propi cumè anca Aharon.
5Inscì anca el Crist el s'è daa gloria de devegnì sacerdott scèff ma Lü che l'ha dii a lü:
«Tì te seet el mè fiöö
Incöö mì t'huu generaa»;
6propi cumè travèrs un alter el dis:
«Tì te see un sacerdott per semper
segund el orden de Melchizedec»,
7lü che, in di dì de la sua carna, despö che l'ha üfert cun giguj fort e lagrimm sia i preghee e sia i süplegh a Lü che 'l po salvàll de la mort e l'era sentii de la sua scapelada[1], 8ancabén l'è un fiöö, l'ha imparaa übediénza del qual el gh'ha patii, 9e despö che l'è staa faa perfètt, l'è devegnüü per lur che ghe übeden la causa de la salvéza etèrna, 10pruclamaa de Diu un sacerdott scèff segund el orden de Melchizedec.
11Sü chèst i coss de dì a nümm l'è tant e dificil de spiegà, già che avii devegnüü pedegh in del sentì. 12Già che malastant che anca vialter gh'avarìuv vèss insegnant per via del témp, de növ gh'avii besogn che quajdün el v'insegna i fundamentaj del prenzipi di messagg de Diu, e avii devegnüü che gh'avii besogn de lacc--no mangià sald! 13Già che ogni persona che 'l duvra 'l lacc l'è sénza esperiénza de la parola de la giüstizia, già che l'è un bagaj; 14e l'è per i adült el mangià sald, per lur che hann esercitaa i sò facultaa per via de pratega a la indritüra[2]sia del bén sia del mal.

  1. o riverenza
  2. o discernimént

Navigaziun[Mudifega | mudìfica 'l sorgènt]