Geseta del Pasquiroeul
|
Quest articol chì l'è scrivud in lombard, con la Noeuva Ortografia Lombarda |
La Geseta del Pasquiroeul, in origin San Vit al Pasquiroeul, a l'è una gesa de Milan in stil baroch: fada su in del secol quell de XII, e la deventa parochia el secol dopo; in del 1621 el Federigh Borromee l'ordena de fàlla restruturà in quell stil chi, cont un noeuv portal noeuv fad in del 1626.
Mituda propi in del center de la cità, in la corsia di Serv, l'è desconsacrada in del 1925 e ciapada del comun e la schiva de vesser sbatuda sgiò in del desvilup de la cità post-segonda guerra mondial: in del 1966 l'è restaverada cont un finanziament de la fameja Falck e la torna verta 'me gesa catolega, del 2007 l'è in gestion de la gesa ortodossa russa in Italia, che la classifega 'me parochia de Sant Ambroeus, la segonda de la cità ambrosiana dopo quella de Sant Sergi, Serafin e Vissenz: del 2005 al 2007 l'arcidiocesi de Milan gh'ha permitud de recità la Divina Liturgia in la gesa de San Carlo al Lazaret.
Teater lombard
[Modifega | modifica 'l sorgent]La gesetta del Pasquiroeu (scrivud in ortografia milanesa) a l'è el titol de 'na comedia in dialet milanes scrivuda del Severino Pagani e spartida in trii at e ses quader, ambientada in del dopoguerra, con la piazzeta denanz che la deventa sit de prostituzzion e de giton, e 'l curad, el Don Lissander che 'l gh'ha de viver in quella geseta povera.
Riferiment
[Modifega | modifica 'l sorgent]- Milano | Pasquirolo – Come sono riusciti a trasformare un posto romantico in una mostruosità
- Cobion de La gesetta del Pasquiroeu
Ligam de foeura
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Geseta del Pasquiroeul
