Gesa di Sant Gervas e Protas (Salsmagior)
|
Quest articol chì l'è scrivud in lombard, con la Noeuva Ortografia Lombarda |
_-_lato_sud_3_2022-05-15.jpg)
La Gesa di Sant Gervas e Protas a l'è la parochiala de Tabian Castell, frazzion de Salsmagior, in provincia de Parma e diocesi de Fidenza.
Al dì d'incoeu la soa parochia l'è vuna di pussee grand de la diocesi, anca se del 1964 l'ha perdud el territori de Tabian Terme, che 'l gh'ha havud la soa.
Storia[Modifega | modifica 'l sorgent]
In principi a Tabian a gh'era domà una capella che la dipendeva de la piev de Contignach, inscì l'era registrad in del Capitulum seu Rotulos decimarum de la diocesi de Parma, scrivud del 1230, e che la gh'haveva no de pagà la decima perchè l'era pora, e quella roba chi l'è confermada del Ratio decimarum del 1299.
In de l'estim del 1354 volud de l'Ugolin Ross a l'era ligada a la prevostuda de Borgh San Donnin, la gh'haveva un batisteri e la pagava la decima, desgià che l'era deventada pussee sciora. El sò deventà parochia l'è ligad al cresser de importanza del Castell de Tabian.
La gesa l'è stada fada su in stil romanegh del secol XVI e l'è stada restaverada del 1907, cont una faciada noeuva in preja de Varon dissegnada de l'architet Vaca, con di ornament in marmor de Carara del scultor Rossi.
El campanin a l'è tirad su del 1950. Dent se troeuva una pitura a oeuli di Gervas e Protas donada de la Maria Luigia del 1841 e 'n Ultima Cena del 1636 del Picelli.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Gesa di Sant Gervas e Protas (Salsmagior)
