Gesa de l'Incoronada (Milan)
La gesa de l'Incoronada (italian: chiesa di Santa Maria Incoronata) l'è ona gesa cattolega de Milan.
La se troeuva squasi a la fin de cors Garibaldi, a l'incros con via Marsala.
Storia[Modifega | modifica 'l sorgent]
Compagn de la gesa de San Cristofen (semper a Milan), l'è on cas interessant de "gesa doppia". Se vardom el sagraa, la gesa de sinistra l'è pussee veggia. Quella chì la gh'era giamò al temp del Comun, l'era in di man di pader eremitan de San March e l'era dedicada a Santa Maria de Garegnan.
In del princippi del Quattercent, arent a quell gesioeu hann cominciaa a fà su on convent di agostinian: quei là hann restauraa anca la gesa veggia in stil gotegh. Già che i lavorà hinn finii in ocasion de l'incoronazzion del duca Francesch Sforza (1451) l'hann dedicada a Santa Maria Incoronada.
In del 1460 la miee del duca, la Bianca Maria Visconta, l'ha voruu che se fasess su 'na gesa noeuva arent a quella veggia, istessa precisa: i dò ges gh'aveven de vess colegaa vuna con l'oltra, per podè fann vuna pussee granda. Inscì la duchessa la voreva marcà la soa fedeltà al marii.
In di secoi dopo, la gesa l'è stada anca on magazin, on lazerett, ona caserma, ona preson, ona scoeula de agraria. Poeu l'è tornada a vess ona gesa.
Al dì d'incoeu a l'è part de la Comunitaa Pastoral Paol VI, insema a la Basilega de San Simplizzian, a la Gesa de San March e a la Gesa de San Bartolomee.
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de l'Incoronada (Milan)
