Gesa de Sant Ambroeus (Limbiaa)
|
Quest articol chì l'è scrivud in lombard, con la Noeuva Ortografia Lombarda |
_-_frazione_Mombello_-_chiesa_di_Sant%27Ambrogio.jpg)
La Gesa de Sant Ambroeus a l'è una gesa de Limbiaa. Sita in la frazzion de Mombell e fada su in tra el 1937 e 'l 1940, a l'era la cà de cult del Manicomi de Mombell, quand che l'è stad serrad, l'è stada bandonada e poeu ciapada de 'n altra confession. Al temp del manicomi, la domenega l'era verta anca a quei de foeura, e ghe dava l'ocasion a la sgent de Limbiaa de vedé quei che eren mitud dent a l'ospedal psichiatregh.
Caraterizada de 'n unega gran navada, l'è stada progetada del Carlo Fontana, decorada anca de l'Ivo Soli e consacrada del cardinal Schuster el 14 de setember 1941. In principi, la gh'haveva de vesser dedicada al San Franzesch de Assisi, ma per volontà de l'arcivescov ghe dann el nom del Sant Ambroeus, protetor de Milan. La gh'ha un so campanin, che l'era doperad per marcà i ore de la vita de l'ospedal e de l'orazzion: do di trè campane che gh'è vegnen del vegg Palazz de Giustizzia a Milan, in piazza Becaria.
Al dì d'incoeu, a l'è in man a la Gesa Ortodossa Romena e part de la diocesi ortodossa romena d'Italia.