Gesa de San Paol Apostol (Milan)
|
Quest articol chì l'è scrivud in lombard, con la Noeuva Ortografia Lombarda |
La Gesa de San Paol Apostol a l'è la parochial del quarter milanes de Montalbin.
Storia
[Modifega | modifica 'l sorgent]L'è stada fada su per i besogn di noeuv abitant de Montalbin e l'è progetada de l'architet Piero Palumbo, che l'era stad quell de fiducia di Asborgh prima de la Gran Guerra. El prim de avril del 1928 l'è inaugurada domà in part e l'è fornida del 1932. Del 1934 a inn fornid i lavorà al presbiteri e l'è consacrada de l'Ildefonso Schuster.
In tra el 1949 e 'l 1951 a inn mitude di decorazzion pussee fade del Vanni Rossi e ghe sarann vari restaver piscinit fina al 1991, quand che l'è trada a noeuv cont anca el meter un noeuv altar magior adatad al Concili Vatican II, un ambon e un batisteri noeuv: la gesa l'è infin inaugurada torna del Carlo Maria Martini.
Architetura
[Modifega | modifica 'l sorgent]La gesa l'è ispirada al stil di basileghe romaneghe lombarde e, foeura che per un quaj detaj moderno, la podaria passà per vuna antiga. In principi se andava dent domà de una porta, ma poeu n'inn stade sgiontade alter do, pussee piscinine. L'entrada l'è a gabanna e, anca se ispirada al romanegh, la gh'ha di decorazzion in stil decò.
De dent l'è spartida in trè nav, con di gran arcade che sostegnen una voeulta a crosera. In del presbiteri a gh'è i fresch del Rossi, che mostren la Vocazzion, el Martiri e la Gloria del San Paol. Gh'è du altarin de lat, dedicad a la Madona e al Sant Isep.
A l'era progetad un campanin, ma l'è mai stad fad su.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de San Paol Apostol (Milan)
