Gesa de Praoeul

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

La gesa de Praoeul (anca gesa di Mort) a l'è un gesioeul de Stor, in la provincia autonoma de Trent e in l'arcidiocesi de Trent: la se troeuva in la campagna de Praoeul, de chi el nom.

Storia

A l'è stada fada su in del 1800, quand che Stor l'è stada colpida de do epidemie de colera che hann lassad vari mort, in su 'n prad che 'l saria stad doperad anca per meter sota i mort de la pesta del 1600 e indova che gh'era un lazaret: a l'è no tirada a man in di ducument de la prima epidemia, donca se pensa che la sia stada fada 'me vod dopo el 1836, intorna al 1844.

Gh'hann did la messa fina al 1970, de solit per domandà l'intercession di mort: in del 1960 l'è restruturada de la sezzion local de la Sociazzion Nazzionala Alpin, che la dedica al San Maurizzi, che l'è el protetor so de lor, desgià che la doperaven 'me capella dopo la segonda guerra mondial per dì una messa ogni ann a setember.

Riferiment

Alter proget

Wikimedia Commons el gh'ha dent imagin o alter archivi su Gesa de Praoeul