Và al contegnud

Gavazz

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

Gavazz (italian: Gavazzo) l'è una località del comun milanes de Medeja, che la se troeuva a nord est del center comunal, in su la strada che la va a Paù. A l'è stad un comun indeperlu, fina al 1809, quand che 'l s'è ligad al comun de Bustighera e in del 1811 a quell de Medija, ma nel 1816 el torna otonom, ligad a la frazzion de Mombret, e in del 1849 a Mercugnan, e a la fin part del comun de Medija in del 1869. Incoeu la gh'è restada domà la cassina.

Al temp di piev a l'era denter a la Piev de San Giulian. La gh'era una geseta, forsi de origen longobarda, dedegada ai sant Michee, Giulian e Peder, atestada in del Liber notitiae Sanctorum Mediolani, poeu destrugada.

In del 1751 in del comun viven 65 persone, in del 1805, la popolazzion l'era de 69 persone.

El nom[Modifega | modifica 'l sorgent]

Gavazz el podaria vegnì del latin gavatium, o ben un brich, un sit pussee volt. Un'oltra ipotesi l'è quella che la faria vegnì el nom de l'espression Gabasso (de gabbo, cioè la pianta de sares cont i ram tajad, pianta che la vegniva metuda a lat di ronsge). Un'ultema ipotesi l'è quella de una radis pre-romana, etrusca o celtega: gab, o ben rial.

Bibliografia[Modifega | modifica 'l sorgent]

  • La Chiesa Parrocchiale di Triginto - Mediglia: Una Chiesa il suo popolo e la sua storia, Rinaldo Perversi, Mediglia, 1995
  • Storia di Mediglia, Sergio Leondi; dtampato da Roberto Gradella, Peschiera Borromeo, 2011

Ligam de foeura[Modifega | modifica 'l sorgent]