Gaì

De Wikipedia
Sata a-a navegassion Sata a-a serchia
Lombard Occidental Quell articol qì l'è scrivud in Lombard, ortografia SL.

Ol gaì l'è un jerg parlad dai pastor bergamasc e bressan, dovrad per la plœ part in Vall Seriana e Vall Camonega. L'è un lenguaj particolar, compagn d'un codex, oramai quase descomparid, comun intra tœts qei qe i faxiva un'ativitaa ind la qual l'è fondamental ol spostar-s, come i pastor qe i faxiva la transumanza.

Ol parlar in gaì l'è caraterizad da la lenteza e dal tono de vox bass, ol dovrar dei sota-intendid, perifras, dobi sens qe i fà mìa capir a qei qe 'l la cognoss mìa.

Una qualc parolle gaì i è entrade ind el bergamasc, per esempe só gnìt pròpe bretì (me soo prope rabiad), g'ó molàt dù sgrugnù (g'hoo dait do pœgn), cünta mia sö di galöse (cunta mìa sœ di jovedé), 'g'a lagàt la rösca (g'ha lassad la pell)[1].

Esempe de gaì de Pés:[2]

  • Ficalble ch'el trapela, el sparvier ch'el sluma le solfe den'l spigarol
Scapa qe al riva ol padron e al ved i cavre ind el forment
  • Ho scavazzat gana col stavél
Ho maiad polenta col formai

Ol protagonista del film L'ultimo pastore de Marco Bonfanti, Renato Zucchelli, l'è un dei ultem q'i parla anc'mò ol gaì. A l'intern del film l'è possibel sentir dei parolle prononçade dal protagonista.

Riferiments[Modifega | mudìfica 'l sorgènt]

  1. Op. cit.
  2. La plœ antiga descrizion del pais, ciapad de: Marcello Ricardi; Giacomo Pedersoli, Grande guida storica di Valcamonica Sebino Val di Scalve, Cividate Camuno, Toroselle, Mudel:Data, pp. 362.

Bibliografia[Modifega | mudìfica 'l sorgènt]

  • A. Carissoni, M. Anesa, M. Rondi. Mondo popolare in Lombardia, cultura di un paese. Milano, Silvana, 1978.
  • R. Leydi. Mondo popolare im Lombardia, Bergamo e il suo territorio. Milano, Silvana, 1977.
  • Giuseppe Facchinetti. Slacadùra di Tacolér (Batidùra per tocc i Crosc, Feder, Petaela, Trolì, Sgalberù e Trol che i sama per ol Glop). Tip. Carnovali Milano, 1921
  • Giacomo Goldaniga, Gaì gavì gaù di Valcamonica e delle Valli bergamasche

Ligam de fœra[Modifega | mudìfica 'l sorgènt]