Fulvi Test
|
Quest articol chì l'è scrivud in lombard, con la Noeuva Ortografia Lombarda |
El Fulvi Test (in italian Fulvio Testi; Ferrara, 23 de avost 1593 – Modena, 28 de avost 1646) a l'è stad un diplomategh e poeta italegh.
Retegnud in tra i esponent pussee important de la literadura baroca in del Ses'cent, l'è stad a la cort del Duca de Modena e 'l gh'ha havud vari roeull de importanta, tant 'me quell de governator de la Garfagnana. La soa poesia la tratava i tema civegh e la mostrava el so vesser propi antispagnoeul, tant de havé de andà in esili una voeulta prima de vesser grazziad, e vesin ai Savoja, l'è infin cusad de tradiment per havé provad a fà su di relazzion con la cort de Franza e mitud in preson, indova che 'l moeur poch dopo.
A Milan l'è dedicad a lu el Vialon che 'l mena vial Zara a Monscia, a travers de Sest e Cinisell Balsom.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikisource el gh'ha dent una pagina dedicada a Fulvi Test
Wikiquote el gh'ha dent citazzion de o su Fulvi Test
Wikimedia Commons el gh'ha dent imagin o alter archivi su Fulvi Test
