Franzesch Maria Zoppi
|
Quest articol chì l'è scrivud in lombard, con la Noeuva Ortografia Lombarda |
El Franzesch Maria Zoppi (Canobi, 6 de sgiugn 1765 - Canobi, 7 de avril 1841) a l'è stad un prelad lombard, prim vescov de Massa.
Biografia
[Modifega | modifica 'l sorgent]Originari de Canobi, territori piemontes al temp in l'Arcidiocesi de Milan, l'è fad pret sota el Felip Maria Vescont, che 'l mandarà 'me so vicari in la Lombardia svizzera. El torna a Milan 'me diretor del seminari e 'l sarà ben cognossud per i so gran omelie, che i milanes vann a scoltà, e 'l se svesinarà anca a la Mesizzia Cristiana, anca cont el cognosser el Franzesch Pertusaa.
Del 1823 l'è fad vescov e l'è mandad in la noeuva diocesi de Massa, fada su del territori de la veggia diocesi di Luni e de l'arcidiocesi de Lucca: el vedarà 'na grama situazzion in del cler e 'l otegn de la Maria Beatriz d'Est di missionari de mandà in ogni parochia e 'l metarà anca di esercizzi spirituai. Del 1832, con la diocesi che la fonzionava ben, el se dimet: sia el Duca che el Papa proeuven a fàgh cambià idea, ma el scerniss de tornà al so paes per passà i ultim agn.
El so coeur a l'è stad mitud sota in del Dom de Massa.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Franzesch Maria Zoppi
