Franzesca Manzona
|
Quest articol chì l'è scrivud in lombard, con la Noeuva Ortografia Lombarda |
La Franzesca Manzona (Barzi, 10 de masg 1710 - Cereda, 28 de luj 1743) a l'è stada una poetessa lombarda: membra de la fameja Manzona, l'era parent a la lontana del Lissander Manzon.
Biografia
[Modifega | modifica 'l sorgent]Fioeula del Ceser Alfons e de la Maria Caterina Clavena, l'era propi intendevola e sgiamò a dodes agn, oltra al milanes e a l'italian, la saveva anca el gregh antigh, el latin, el franzes e 'l spagnoeul e ghe piaseva anca studià dirit e geometria.
Dopo vesses retirada in del monester de Santa Luzzia a Milan, la va foeura per maridàss, el 10 de avril del 1471, cont el leterad venezzian Luigi Giusti: la moeur de part dopo des dì del nassiment de la soa segonda fioeula, l'Angela Maria, e l'è mituda sota in la gesa de San Giovann a la Castegna.
La soa mort la lassa insì mal el marid che 'l se farà ordinà pret poch pussee inanz de l'Isep Pozzbonell.
Oeuvera
[Modifega | modifica 'l sorgent]In italian la scrivarà poesie e tragedie, la pussee famosa l'Ester, dedicada a la Lisabeta Cristina de Brunswick-Wolfenbüttel, roba che ghe darà la fama de poetessa de l'Imperadora, e la se sgiontarà a vari grup e academie, in tra quella di Trasformad, de che l'era co-fondadora, e quella de l'Arcadia. Gh'è de regordà anca i Piacevoli Rime, che regordaven el stil del Franzesch Petrarca.
La voleva anca lassà una catada di done che haveven studiad in la storia, ma l'è morta prima de fornìlla.
In lombard l'ha lassad cinch sonet e cinch poemet, che lee ciamava baltraminaa, e eren scrivud in d'un milanes rustegh.