Europa (mitulugia)

Chest artícol a l'è scricc in Lumbàrt, ortograféa orientàl unificàda.

La principèsa Europa l'è 'na figüra de la mitulugìa gréca. L'ìa fiöla de Agenore, el rè de la antìca cità fenìcia de Tir. El Zeus, el s'è 'namuràt de lé quan che gh'è capetàt de idìla ensèma a dele ótre s•cète 'ntàt che le catàa sö dei fiùr arènt a la spiàgia. Zeus alùra 'l g'ha 'nventàt giü dei sò trüch: el g'ha urdinàt a Ermes de minà i bò del bubà de Europa 'nvers la spiàgia. Dòpo, el g'ha ciapàt la fùrma de 'n tòr bianch e 'l ghe s'è fat arènt e 'l s'è sbötat zó ai sò pè. Europa l'è saltàda sö 'la schéna del tòr, e chèsto el l'ha portàda vià, el g'ha streersàt el mar e l'è riàt a l'ìzola de Creta.

'Na ólta lò el Zeus el s'è svelàt per chi che l'ìa e 'l g'ha tentàt de pusidìla, ma Europa la s'è mìa cuncidìda e la g'ha fat rezistènsa. Zeus alùra el s'è trasfurmàt enden àquila e l'è riàt estès a sirvìs de Euròpa endèn boschèt de sàles.

Europa l'è deentàda la prìma regìna de Creta. La g'ha ìt tré fiöi del Zeus: Minosse, Radamanto, Sarpedonte, che i vegnarà piö tàrde adotàcc del sò òm Asterione, el re de Creta.

Dòpo la mórt del Asterione, Minosse el deenta re de Creta.

En unùr de Asterione e de sò màder, i Greci i g'ha dat nòm "Europa" al cuntinènt che 'l se tróa a nord de Creta.