Epitafi

Quest articol chì l'è scrivud in lombard, con la Noeuva Ortografia Lombarda

Epitafi per el Gotthard Wigerinck, Peter Vischer el Vegg, 1518; gesa de Santa Maria in Lubeca.

L’epitafi (in grech antigh: ἐπιτάφιον, epitáphion, o ben "quell che 'l sta sora del sepolcher") l'è un'iscrizzion funeber che la gh'ha coma fin l'onorà e el regordà un mort. De solit, ma minga semper, inn vun o pussee vers de una poesia: tant poeti hann de fad componid el so epitafi. Un bon epitafi el gh'ha de havé semper un quaicoss che 'l resta impress, o che 'l faga pensà: una manera assee spantegada l'è quella de "parlà" diretament a chi el lensg, cont un avis in sul segnifegad de la mortalitaa. Un quai epitafi enumeren i grand resultad otegnud (un politegh o un militar de carrera el nominarà, per esempi, el numer di agn de servizzi al Paes).

Storia

In de l'antiga Grecia, soratut a Atene, l'epitafi l'era un'orazzion funeber publega in onor di soldat mort in de l'ann. In de l'antiga Roma l'epitafi el se sconfond con la laudatio funebris, parnonziada de un fioeul o de un parent del mort.

Poeu, per estension, el nom epitafi l'ha indegad anca la semplis iscrizzion tombala.

In leteradura

La forma de l'epitafi l'è stad doperad del poeta statunidens Edgar Lee Masters in de la so oeuvra "Antologia di Spoon River".

Monument con epitafi

• 
  Epitafi dipingiud del Guidon Reni, per el cavaller van Ertborn de Witte
• 
  Tomba de la Selena al Seaside Memorial Park a Corpus Christi, Texas, con citazzion de l'Isaiah 25:8 scrit
• 
  Epitafi per el coeur del Frédéric Chopin
• 
  Tomba del W. B. Yeats; Drumecliff, Co. Sligo
• 
  Longh epitafi per el Johann Wauer (un pastor todesch), mort in del 1728, cont una conclusion cont una corta citazzion biblega
• 
  L'epitafi in su la lapid del dopiador Mel Blanc
• 
  Iscrizzion in de la cripta del Heather O'Rourke
• 
  Ezzatollah Sahabi, Gloria de l'Iran e de la so patriotega fioeula Haleh
• 
  Un epitafi popolar per un ferrer de un villagg ingles a Houghton, Cambridgeshire, Regn Unid
• 
  La lapid del comegh, scritor e ator Spike Milligan che la gh'ha un epitafi notevol
• 
  L'epitafi del predegador Berthold de Wyrbna (Domenegan) del 1316 a Szprotawa, la lapid pussee antiga de la Silesia, Polonia.

Bibliografia

• Gian Marco Vidor, Satisfying the mind and inflaming the heart: emotions and funerary epigraphy in nineteenth-century Italy, 2014.
• Régis Bertrand, Que de vertus. Les épitaphes édifiantes des débuts du XIXe siècle, 2005.
• K. S. Guthke, Epitaph culture in the west. Variations on a theme in cultural history, 2003.

Ligam de foeura

• (EN) Epitafi, in su Enciclopedia Britanega, Encyclopædia Britannica, Inc.