Emilia-Romagna

Quest articol chì l'è scrivuu in lombard, grafia milanesa.

Emilia-Romagna (EML) Emégglia-Rumâgna (IT) Emilia-Romagna
[[|120px]] Stema de la Regiun
Pusizion in Italia
Dati
Capital	Bològna
Ann de istitüziun	1970
Pupulazion	4 457 463 abitant
Censiment	30/11/2011
Superfis	22 451 km²
Densità	198 ab./km²
Provinz	Bològna, Ferrara, Forlì-Cesena, Mòdena, Parma, Piasenza, Ravena, Regg Emilia, Rimen
Nümer de Cumün	348
Lenguv	italian, emilian, rumagnöl‎
Mapa de la regiun
Sit
http://www.regione.emilia-romagna.it

L'Emilia-Romagna l'è ona region de l'Italia del nòrd. La confina a nòrd con la Lombardia e el Veneto, a òvest con el Piemont, a sudòvest con la Liguria, a sud con la Toscana e i March; a est la varda el Mar Adriatigh per on dusent chilometer. La region l'è formada da dò part different, saria a dì l'Emilia (al center e a òvest e la Romagna, slungada tutt intorna a la còsta adriatega.

Panorama de l'Appennin.

El territòri el se slunga in direzion òvest-est; a nòrd el confin al passa giust giust in sul fiumm Po fin al sò delta, oppur al massim el se destacca per on quai tocchell; el confin a sud (con la Toscana specialment) el passa in su l'Appennin. La region la toeu via on bell tocch de la Pianura Padana, che la pòrta via on poo pussee de la metà del territòri total, i montagn de l'Appennin quasi tutt el rest, foeura che ona zenta de ronch specialment in de la zòna de la Romagna.

El capp-loeugh de la region l'è Bològna, vuna di città pussee important de tutta l'Italia del nòrd; anca tutt i alter vòtt capp-loeugh de provincia (Mòdena, Piacenza, Regg Emilia, Rimini, Forlì, Ravena, Ferrara, Parma) gh'hann pussee de centmila abitant (ghe saria anca Cesena, che però l'è in de l'istessa provincia de Forlì). Alter città e paesòtt de on quai importanza hinn Carpi, Imola, Sassoeu, Cento, Faenza.

Galerìa de foto

• 
  Bològna
• 
  Cesena
• 
  Ferrara
• 
  Forlì
• 
  Mòdena
• 
  Parma
• 
  Piasenza
• 
  Ravena
• 
  Regg Emilia
• 
  Rimini

Liber

• Istituto Geografico De Agostini. Enciclopedia geografica, edizione speciale per il Corriere della Sera, vol. 1. RCS Quotidiani s.p.a., Milano, 2005. ISSN 1824-9280.

Vos corelaa

• Assemblea Legislativa de l'Emilia Romagna