Capital
 |
Quel articul chì l'è scrivüü in Lumbard ucidental, cun l'urtugrafia ünificada. |
In pulitiga, una capital (ciamada anca cità capital o capital pulitiga) a l'è la cità principala che l'è la sed assuciada al guèrn d'una regiun aministrativa specifiga. La cità capital a l'è, in de la püssee part di cas, la cità induè che se tröen i ufizi guvernativ. La parola "capital" la vegn del latin caput che'l vör dì "coo" o "cap".
De solet, in de la capital d'un stat, paes o regiun a hinn cuncentraa di ufizi e servizi aministrativ, pulitich, sanitari, etc. A gh'hinn anca di stat cun püssee capitaj, e ogni capital a l'è la sed d'un particular broch de l'aziun del guern.
Minga semper la capital a l'è la cità püssee granda o inflüenta del paes: per esempi, Washington in di Stat Ünii (rispet a cità 'me New York o Los Angeles), o Berna in Svizera (püssee piscinina de Ginevra o Zürich 'me pupulaziun).
