El pover Luisin
El pover Luisin l'è ona canzon de la tradizzion lombarda.
Se cred che l'è de origin "colta" (e donca minga popolar). L'è stada scrivuda in di agn subet dopo la fin de la Segonda Guerra de Indipendenza (1859), e la parla de l'amor de 'na tosa per on fioeu partii per combatt e mai pu tornaa.
La canzon a l'è stada anca registrada e cantada de vari artista, compagn del Nanni Svampa.
El test[Modifega | modifica 'l sorgent]
On dì per 'sta contrada passava on bell fioeu
e on mazzolin de roeus l'ha traa in sul mè poggioeu.
E per trii mes de fila, e squasi tucc i dì,
el passeggiava semper, domà per vedèmm mì.
Vegnuu el '59, che guerra desperada!
E mì per 'sta contrada l'hoo pu veduu a passà.
On dì pioveva vers sera, s'cioppavi del magon
quand m'è rivaa ona lettera col bord de condizzion.
Scriveva la sorella del pover Luisin
che l'era mort in guerra de fianch al Castellin.
Hinn già passaa trii ann, l'è mort, el vedi pu:
epur 'sto pover coeur l'è chì ancamò per lu.