El Quart Stat
|
Quest articol chì l'è scrivud in lombard, con la Noeuva Ortografia Lombarda |
| Data de creazzion o de fondazzion | 1901  |
|---|---|
| Nom in la lengua original | Il quarto stato |
| Titol | Il Quarto Stato, Il Quarto Stato |
| Moviment | Novecento |
| Sit | Galleria d'Art Moderna (Milan) |
| Creador | Giuseppe Pellizza da Volpedo |
| Material | pitura a oeuli, tila |
| Collezzion | Galleria d'Art Moderna (Milan) |
| Stat del dirit d'autor | publegh domini |
El Quart Stat a l'è un quader a oeuli del Giuseppe Pellizza da Volpedo fad del 1901 e che l'è in mostra, del 7 de luj 2022, a la Galleria d'Art Moderna de Milan.
El quader el gh'ha una longa storia: mostrad per la prima voeulta a la Quadriennal de Turin senza gran sucess, el gh'havarà gran visibilità in su la stampa socialista, roba che la mena i moster a lassàl foeura, per pagura de parè politegh o di rebellot. Del 1920, in pien bienni ross, l'è mitud in mostra in la Galleria Peser e del 1921 l'è crompad de la Galleria d'Art Moderna e l'è mitud in la sala de la Balla del Castell Sforzesch fina che i fassista, in di agn '30, la caven via e la meten in deposit. L'è trovad ancamò in di agn '50 e l'è mitud in la sala de la Sgionta de Palazz Marin e 'l deventa ancamò un quader de cult del moviment socialista e proletari italian. El resta in del municipi ambrosian fina al 1980, quand che l'è spostad in la Galleria d'Art Moderna in d'una sala dedicada per intregh al divisionism, del 2010 l'è portad al Musee del Noeuvcent, indova che per la soa importanza l'era la prima oeuvera mituda in mostra, per poeu tornà del 2022 in la Villa Real.
L'è de interess anca la storia di sbozz del quader: el prim, Imbassador de la fam, l'è stad scominciad del 1891 quand che 'l Pellizza l'haveva vist una protesta de operari, e l'è fornid del 1894. In tra el 1895 e 'l 1898 el lavor a la Fiumana, version primordiala del quader che incoeu l'è in mostra a la Pinacoteca de Brera, in la sezzion de Palazz Citeri.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Il quarto stato
