Grattaciel Pirelli

De Wikipedia
(Rimandaa da El Pirelon)
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El Grattaciel Pirelli fotografaa da Paolo Monti, 1965

El Grattaciel Pirelli o anca Palazz Pirelli, ciamaa informalment El Pirellon l'è on palazz de Milan, indoa che 'l se riuniss el Consili Regional de la Lombardia e, fin al 2011, anca la Giunta.

L'è in Piazza Duca d'Aosta, arent a la Stazion Centrala de Milan, e l'è volt 127,10 meter. Dal 1958 al 1966 l'è staa el grattaciel pussee volt del Union Europea, superaa da la Tour du Midi, a Bruxelles.

Storia[Mudifega | mudìfica 'l sorgènt]

L'è staa progettaa in del 1950 per vess part del noeuv Center Direzional, e l'è staa faa su 'n tra el 1956 e 'l 1961 da progett dei Gio Ponti, Giuseppe Valtolina, Pier Luigi Nervi, Antonio Fornaroli, Alberto Rosselli, Giuseppe Rinardi e Egidio Dell'Orto. L'è on'oeuvra del razionalism italian e cont i sò 127 meter, l'è vun di palazz in calcestruzz armaa pussee volt del mond.

L'è staa progettaa per vess la sed de la Pirelli, per poeu vess compraa da la Region Lombardia in del 1978, per diventà la noeuva sed, despoeu di cambiament del Bob Noorda.

L'è vun di simboi pussee cognosuu de Milan e, fin al 2010, el sò palazz pussee volt, superaa in del 2010 dal Palazz Lombardia e, in del 2011, da la Torr Unicredit.

L'è staa di ispirazion per on fracch de grattaciei, ad esempi per el Telefunken-Hochhaus.

La Madonnina[Mudifega | mudìfica 'l sorgènt]

La tradizion milanesa la dis che nissun palazz el gh'avaria de vess pussee volt de la Madonnina del Domm, e in di agn '30 l'è divegnuda anca ona legg comunala. Quand l'è staa fa su el Palazz l'è stada metuda, per rispett, ona copia de 80 centimeter in sul tecc.

Vos corelaa[Mudifega | mudìfica 'l sorgènt]