Efesit Capitel Düü

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Efesit[Modifega | mudìfica 'l sorgènt]

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Düü[Modifega | mudìfica 'l sorgènt]

1E vialter, che serii mort in di voster trasgressiún e pecaa, 2in de quij una völta avii caminaa segund l'etaa de chèst mund, segund el prenzipi de l'auturitaa de l'aria, del spirit che 'l laura adèss intra i fiöö de la desübediénza: 3intra i quij nümm tücc èmm vivüü una völta in di desidéri de la nostra carna, fasend i vuluntaa de la carna e de la mént, e serum de natüra fiöö de l'ira, cumè anca 'l rést; 4ma Diu, già che l'è sciur in de la misericordia, per via del sò grand bén che gh'aveva per nümm, 5e intanta che serum mort in di trasgressiún, el m'ha faa viv insèma a Crist--sii staa salvaa per la grazia--6e l'era levaa sü insèma e 'l s'è setaa giò insèma in di lögh del cél in de Crist Gesü, 7per mussà in di etaa a quij che vegnen la richéza tant granda de la sua grazia in de gentiléza sü nümm in de Crist Gesü, 8già che sii staa salvaa per grazia, per mèzz de la féd; e chèst l'è no di oper, l'è 'l regall de Diu; 9no di oper, perchè nissün el vantarìa. 10Già che sèmm el sò laur, creaa in de Crist Gesü vèrs bonn oper che Diu l'ha preparaa prima, perchè en caminarìum.
11Dunca, regurdeev che una völta vialter serii i naziún in de la carna, che hinn ciamaa l'incircuncisiún de chèll che l'è ciamada la circuncisiún fada per i man in de la carna, 12perchè serii a chèll témp sénza Crist, alienaa de la citadinanza d'Israel e furestee di acordi[1] de la prumèssa, gh'avend no speranza ma sénza Diu in del mund. 13Ma adèss sii in de Crist Gesü vialter che, ancabén l'eren una völta luntan, sii devegnüü vesín in del sangh de Crist.
14Già che lü l'è la nostra pas, lü che 'l fa i düü vün e che 'l desfa 'l mür de separaziún, 15la nemessizia in de la sua carna, abulii la lég di cumandamént in di decret, perchè 'l crea i düü in de lü cumè vün növ vèss üman che 'l fa la pas 16e 'l recuncilia a Diu i düü in d'un corp per mèzz de la crus, quand l'en ha mazaa la nemessizia. 17e despö che l'è vegnüü l'ha pruclamaa la pas a vialter che hinn luntan e la pas a quij che hinn vesín: 18che per mèzz de lü gh'èmm nümm i düü l'andit in d'un spirit al Pader. 19Dunca, sii pü balénch e furestee, ma sii citaditt insèma cunt i sant e member de la cà de Diu, 20che l'è stada fada sül fundamént di apostul e di prufètt, cun Gesü Crist medemm cumè la preia angulara, 21sül qual ogni fabrica incurnisada insèma la cress per vèss un témpi sant in del Signúr, 22in del qual anca vialter sii faa insèma per vèss un'abitaziún de Diu in del Spirit.

  1. o testamént, patt

Navigaziun[Modifega | mudìfica 'l sorgènt]