Droga farmaceutega

Articol di 1000 che tucc i Wikipedie gh'hann de havégh
De Wikipedia
Lombard Quell articol qì l'è scrivud in Lombard, cond l'ortografia Scriver Lombard.

Cond el nom droga farmaceutega, anca diit farmeg, se vœl intender ona sostanza o associazion de sostanze qe:

  • La g'habes proprietaa curative o profilatege per le malatie del om o de on anemal;
  • La pœdes vesser doprada ins vergun o sonministrada a vergun per el fin de ristabilir, correjer o modifegar funzion fisiolojege, cond l'esercitar ona azion farmacolojega, inmunolojega o metabolega, o an'mo de stabilesser ona diagnosis medega.

La sienza qe la ge studia adree a la formolazion de le medexine l'è la tecnolojia farmaceutega, inscambe qella qe la ge studia adree a l'usaj terapeuteg de le medexine, e donca al so prencepe ativ, l'è la farmacolojia.

Lej italiana[Modifega | modifica 'l sorgent]

Per la lej italiana, l'è considerad medexina ogne sostanza o associazion de sostanze qe la ven presentada con proprietaa de curar o de prevegner le malatie; ogne medexina la g'ha de segurar tre condizion imprescindiboi, qe i è qualità, segureza ed eficacia. La lej la ciama medexine anca tœts qei prodots qe i g'ha miga capacità de curar le persone o i anemai, ma qe i ven presentads incé, perqè de qesta manera i g'ha anca lor de vesser segur e de qualitaa 'me i fœdess medexine.

Diferenza intra droga e medexina[Modifega | modifica 'l sorgent]

De spess i se dopera 'me sinonem le parolle droga farmaceutega e medexina, ma i è do robe diferente; de faits, 'me s'è jamò diit, la droga farmaceutega l'è domà la sostanza responsabila del ativitaa de la medexina, çoè el prencepe ativ. La medexina l'è inscambe tœt l'insema de sostanze qe le ven sonministrade, donca miga domà l'ativ, ma anca i ecipients, i colorants, i conservants, etc. Presempe, el paracetamol l'è ona droga, e le suposte de paracetamol i è ona medexina.