Dom de Melz
|
Quest articol chì l'è scrivud in lombard, con la Noeuva Ortografia Lombarda |
El Dom de Melz, intitolad ai san Lissander e Margherita, a l'è la gesa pussee granda e importanta de Melz, part de l'omonen decanad e, in passad, capopiev de la Piev de Melz.
Storia
[Modifega | modifica 'l sorgent]Una prima gesa a Melz a l'è stada fada su in del XI secol, in stil romanegh, e l'è atestada per la prima voeulta in del Liber Notitiae Sanctorum Mediolani del Gofred de Busser, del XIII secol e, an'mò, in del Notitia Cleri Mediolanensis del 1398.
El 18 de avost 1576 l'arcivescov Carlo Borromee 'l eleva quella gesa chì a sed de la Piev, a spostà la veggia Piev de Cornean lilinscì.
In d'una visita del 1751 de l'Isep Pozzbonell se sa che gh'haveva ai so dipendenze quater oratòri e la gh'haveva dent 'na confraternita.
Al principi del secol quell de XIX a l'éra assee decadenta, anca grazzia al terramot del 1802, e donca a l'è serrada per un bell poo, in del 1834 scomincen i lavorà, che finissen in del 1891, e in del 1897 l'è registràda in la visita de l'Andrea Carlo Ferrari e in tra el 1900 e 'l 1909 gh'è 'n slargament fad del Cesare Nava.
In del 1972 l'è abolida la Piev de Melz e la deventa donca cénter del decanad de Melz e in del 1979 l'è restaverada e l'è slargada la sagrestia e, in tra el 1991 e 'l 1992 l'è adatada ai regole del concili Vatican II.
Descrizzion
[Modifega | modifica 'l sorgent]La facciada de la Gesa a l'è coi quadrei a vista, la gh'ha el portal, do finester e un roson ai lacc, in sul tecc, inveci, a gh'è di pinnacoi.
L'interno a l'è a navada unega, con la voeulta a casseton. L'oeuvra pussee importanta che la gh'è dent a l'è del Cristofen Magnan.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Dom de Melz
