Densità

Chest artícul al è scrivüü in lumbaart, con la grafia LSI.

Quella vus chi la gh'ha minga di funt u hin trop poch. Per piesé, giunta di funt a la vus. Insì de vegh un'idea de tücc i olter vus senza font, vardii chì.

La densità, de símbul ρ (lètera rho de l'alfabeet greech), una quaj völta scrivüda d, a l'è la relazziun ca g'è tra la massa e ul vulüüm d'un ròpp; la densità a l'è uviameent diretameent prupurziunaal al valur de la massa, u prupurziunaal al cuntràri cunt ul vulüüm.
Furmüla generaal:

ρ = m / V

L'ünità de misüra, in del Sistéma Internazziunaal, a l'è ul kg/m³; per resún pràtich al sa misüra anca in g/cm³. Per esémpi, la densità de l'aqua a 3.98 °C a l'è iguaal a 1000 kg/m³ = 1 g/cm³.

Densità de una quaj sustànza

Sustànza	Densità in g/cm³
Irídi	22,65
Òsmi	22,61
Plàtin	21,45
Òor	19,30
Üràni	19,05
Mercüri	13,58
Palàdi	12,023
Piuump	11,34
Argeent	10.49
Raam	8,92
Fèr	7,87
Stagn	7,31
Diamaant	3,50
Alümíni	2,70
Magnési	1,74
Aqua de maar	1,025
Aqua püra	1,000
Àlcul etílich	0,790
Benzína	0,730
Aerugèl	0,003
Aria	0,0012

Densità de un pünt P in d'un mèzz cuntín

La densità in d'un mèzz cuntín a l'è una grandèzza scalaar, definída in tütt i pünt materiàj.
Al sia P un pünt materiaal de un mèzz cuntín, ga sia una sücessiun de vulüüm materiàj cunt vulüüm V_i e massa m_i, taal ca tütt a cuntègnenn ul pünt P; a ciàmum densità del pünt P ul límit de la sücessiun dii quozieent $mi/Vi$ quaand Vi a téndenn a 0:

${\rho }=\lim {\frac {mi}{Vi}}$