Culusses Capitel Trii

Quel articul chì l'è scrivüü in Lumbard, cun l'urtugrafia insübrica ünificada.

Culusses

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trii

¹Dunca, se sii staa levaa sü insèma cun Crist, cerchii i coss sura, due Crist el se sta setand giò a drissa de Diu; ²pensee di coss sura, no i coss sü la tèra. ³Già che sii staa mort e la vostra vita l'è staa scundüda cun Crist in de Diu. ⁴Quand Crist l'è faa vedüü, la nostra vita, al chèll témp anca vialter sarii faa vedüü cun lü in de la gloria.
⁵Dunca, fee mort i member che hinn sü la tèra: la furnegaziún, l'impüritaa, la passiún, el desidéri cativ, e l'avarizia, la qual l'è idulatria, ⁶per via di quij l'è dree a vegnì la rabia de Diu, ⁷in di quij caminevuv una völta, quand vivevuv in de quij: ⁸ma adèss metii via anca vialter tüsscoss: la rabia, l'ira, la malignitaa, la bestemia, la parulascia de la vostra buca; ⁹Büsiee no vün a l'alter, sbiutanduv de la vègia persona cun i sò aziún ¹⁰e vestenduv el növ che l'è faa növ a la cugnussénza segund l'imagen de lü che 'l gh'ha creaa, ¹¹due l'è no vün Grèch e Giüdee, una circuncisiún e un'incircuncisiún, barbar, scita, sèrv, liber, ma Crist tücc e in de tücc.
¹²Dunca, vestiiv cumè scernii de Diu, sant e predilètt, un cör de la cumpassiún, la gentiléza, l'ümiltaa, la mansüetüdin e la paziénza, ¹³supurtand vün i alter e perdunand vün i alter se quajdün el gh'ha cuntra un alter un lament; propi cumè 'l Signúr el v'ha perdunaa, inscì anca vialter; ¹⁴e sü tücc chèst l'è 'l bén, che l'è 'l legamm de la perfeziún. ¹⁵E la pas de Crist decidarà cumè arbiter in di voster cör, al qual erii ciamaa in de vün corp, e devegnarìuv gratt. ¹⁶La parola de Crist la starìa de cà in de vialter sciuramént, perchè insegnii in d'ogni saviéza e v'amunii vün l'alter in di salm, inn e canzunn spiritüaj in de la grazia, cantand in di voster cör a Diu; ¹⁷E qualsessìa che fii in de parola o in d'aziún, tücc in del nomm de Gesü, intanta che dii grazi a Diu 'l Pader per mèzz de lü.
¹⁸I miee, sutametiiv a i marì cumè l'è bén in del Signúr. ¹⁹I marì, vurii bén i miee e devegnii no már a lur.
²⁰I bagaj, übedii i voster gént in de tüsscoss, già che chèst l'è piasèvul a Diu. ²¹I pader, inzighee no i voster bagaj, perchè sien no mogg.
²²I sèrv, übedii in de tüscoss i voster signúr de la carna, no in del servizi quand veden, cumè lur che piasen i omen, ma in de la simplicitaa del cör, avendugh pagüra del Signúr. ²³Qualsessìa fii, feel de l'anema, cumè per el Signúr e no per i omen, ²⁴perchè savii che avii ricevüü del Signúr la recumpénsa de l'ereditaa. Servii 'l Signúr Gesü: ²⁵già che lü che fa l'ingiüstizia el sarà recumpensaraa l'ingiüstizia che l'ha faa, e gh'è minga distinziún di personn.

Navigaziun

• ← Indree a Capitel Düü
• Inanz a Capitel Quater →
• A l'indes