Culusses Capitel Quater
|
|
Quel articul chì l'è scrivüü in Lumbard, cun l'urtugrafia insübrica ünificada. |
Culusses
[Modifega | modifica 'l sorgent]La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Quater
[Modifega | modifica 'l sorgent]1I signúr, furnii i voster sèrv la giüstizia e l'equalitaa, perchè savii che anca vialter gh'avii un Signúr in del cél.
2Perseveree in de la preghièra e vegeen[1] in de la gratitüdin, 3pregand insèma e per nümm perchè Diu 'l me derva una porta per la parola del parlà 'l misteri de Crist, per via del qual anca me trövi in de presún, 4perchè ghe fuu vedüü cumè l'è necessari che parli.
5Caminee in de la saviéza vèrs quij de föra, prufitand del témp. 6La vostra parola sarìa semper cun grazia, cunsciaa de saa, per savè cumè vialter gh'avii de respund a ognidün.
7I coss sü mì el ve farà savè Tichich, el fradèll predilètt, minister fedél e cumpagn del servizi in del Signúr, 8el qual v'huu mandaa per propi chèsta cossa, che savii i coss sü nümm e che 'l incuragia i voster cör, 9cun Onesim, el fradèll fedél e predilètt, che l'è de vialter; ve farànn savè tüsscoss de scià.
10Aristarch, el mè cumagn de presún, el ve salüda, insèma a March, el cüsín de Barnaba (sül qual avii ricevüü istrüziún; se 'l ven a vialter, riceviil) 11e Gesü, ciamaa Giüst, i quij che hinn de la circuncisiún, chèst deperlur hinn i cumpagn d'opera per el Règn de Diu, quij hinn devegnüü la mia cunsulaziún. 12Epafra 'l ve salüda, che l'è un sèrv de vialter de Gesü Crist, che 'l cumbatt semper per vialter in di preghiér, perchè stii perfètt e sii cumpii in d'ogni vuluntaa de Diu. 13Già che per lü duu testimunianza che lü 'l gh'ha tant dulúr per vialter e per lur che hinn a Laodicea e a Gerapoli. 14Lüca, el dutúr predilètt, el ve salüda, insèma a Dema. 15Salüdee i fradèj che hinn a Laodicea, Ninfa e la gésa che l'è in de cà sua. 16E quand la letera l'è leta intra vialter, feela leta anca in de la gésa di Laodicee, e anca vialter legii chèla de Laodicea. 17E dii a Archipp: «Varda el ministeri che t'hee ricevüü in del Signúr, che t'el cumpet.
18El salüd l'è de mia man--de Paül. Regurdeev di mè cadènn. La grazia sia cun vialter.
- ↑ It. vegliatene