Prima Tessalunices Capitel Vün

Quel articul chì l'è scrivüü in Lumbard, cun l'urtugrafia insübrica ünificada.

Prima Tessalunices

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vün

¹Paül, Silvan e Timutee, a la gésa di Tessalunices, in de Diu 'l Pader e 'l Signúr Gesü Crist: grazia a vialter e pas.
²Dèmm grazi a Diu semper per tücc vialter e fèmm menziún de vialter in di noster preghiér, e sénza cessà ³me regurdum de la vostra opera de la féd e del lavúr del bén e de la perseveranza de la speranza del noster Signúr Gesü Crist denanz al noster Diu e Pader, ⁴intanta che savii, fradèj predilètt de Diu, la vostra scernida, ⁵che 'l noster vangel l'è vegnüü no a vialter in de la parola dumà, ma anca in de puténza e in del Spirit Sant e in de tant fidüzia següra, propi cumè savii che manéra de personn sèmm staa a vialter, per via de vialter. ⁶E vialter sii devegnüü imitadúr de nümm e del Signúr, despö che avii ricevüü la parola in de tant tribulaziún cun la letizia del Spirit Sant, ⁷perchè vialter devegnii un esempi a tücc che creden in de Macedonia e in d'Acaia. ⁸Già che de vialter la parola del Signúr l'ha sunaa föra no dumà in de Macedonia e Acaia, ma depertütt la vostra féd in de Diu l'è naa föra, perchè nümm gh'èmm minga de parlà quajcoss. ⁹Già che lur medemm pruclamen che manéra d'entrada gh'èmm avüü a vialter, e cumè avii giraa a Diu di idol, per servì a Diu vivent e vér, ¹⁰e per spetà 'l sò fiöö di cél, che l'ha levaa sü di mort, Gesü che 'l me libera de l'ira che la ven.

Navigaziun