Cop

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

El cop a l'è un lavorà fad in materiai resistent ma anca leger, coma el laterizzi (el pussee spantegad), la lavagna (o olter preje), el legn, il ciment, la terra cocia o el metall. I cop a inn doperad de solet coma mant de quatadura per i quatadure a tecc (o falda inclinada) e formen i "sistem di quatadura descontinua" o ben a element piscinin, al contrari di "quatadure continov" a grand piode.

El fin principal di cop a l'è quell de proteger l'edifizzi de la pioeuva, che la dagnaria la strutura de denter.

Cop doperad in de l'Antica Grecia
Cop

Tipologia[Modifega | modifica 'l sorgent]

Esisten divers tip de cop, cambiad in del cors di secoi, che varien a segonda di località e di materiai dovrad e disponibel in quei agn:

  • el cop fiorentin, de laterizzi a stamp curv, a l'è el tip de cop pussee spantegad in Italia.
  • el cop de conversa (o cop roman), de laterizzi, de forma piana con bord volzad, doperad insema ai cop fiorentin per i quatadure tradizzionai, soratut in de l'Italia centrala.
  • el cop marsijes, de laterizzi, pian con di solch longitudinai e dentell laterai per la soraposizzion.
  • el cop portoghes: de laterizzi, el gh'ha un'onda e una banda piana, indova la se ponda l'onda del cop arent. La part a onda la va a strensgess vers el volt e el poeul havé di reliev per ligàss al cop de sora.
  • el cop a incaster (tuile à emboitement, n. 2), inventada in del 1841 del frances Xavier Gilardoni, con ispirazzion al principi del "cop fiaming" storegh, l'economizza pes e superfis. Bellfà de doperà, franch al vent, el poeul adatàss a tute i pendenze di tecc.
  • el cop olandes: de laterizzi, de forma compagna al portoghes, ma con onda manch acentuada e d'istess dimension in tuta la so lunghezza, el poeul havé di reliev e solch per ligàss a quei arent.
  • la pioda de lavagna o de olter preje.

Bibliografia[Modifega | modifica 'l sorgent]

  • M.Kornmann and CTTB, "Clay bricks and roof tiles, manufacturing and properties", LaSim, Paris, (2007) ISBN 2-9517765-6-X

Ligam de foeura[Modifega | modifica 'l sorgent]

  • Cop, in sul vocabolari Cherubin