Condensa

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
El vapor de acqua che gh’è dent ind l’aria el condensa a contàtt cont la superfice frèggia de ‘na bottiglia

La condensa l’è la transizion de fase da la fase de vapor a la fase liquida de ona sostanza.[1] Ona tal trasformazion la pò vèss condòtta:

La condensa la pò succed generalment in dò maner:

  • condensa volumétrica: la càpita, de nòrma in di fenòmen naturaj, compagn che in di nivol;
  • condensa in su di superfici: doperada sorattutt per aspètt tecnich e de ingegneria, per esempi in di scambiator de calor.

In ògni caso l'operazion de la condensa a l’è eso-tèrmica, o ben la succed cont el tràgh via del calor a la sostanza che la gh’hà de condensà.[2]

Condensa in su i superfici[Modifega | mudìfica 'l sorgènt]

In sui finester la capita la condensa per via de la differenza de temperadura tra i ambient separàa del veder

La condensa in su di superfici la pò succèd in dò divèrsi maner:

  • Condensa a film: el vapor el condensa in su la superfice e ‘l crea on film de liquid, che ‘l còla giò in bass grazie a la fòrza de gravità; la presenza del film liquid la dà contra de la formazion del noeuv condensàa.
  • Condensa a gott: el vapor el condensa in forma de gottìnn, che se pòden destaccà de la superfice e donca la lassen libera per la formazion de alter gott.

La condensa a film la càpita generalment in su di superfici nettàd e sòli. La presenza de porcarìj in su la superfice e in del vapor e la grinzositàa de l’area de scambi, la mena el film a la division in gott. La condensa a gott la pò sviluppà dì coefficient de scambi termich molto pussèe elevàa (da 4 a 8 vòlt) rispètto a quèlla a film, de già che la superfice effettiva de scambi, in del caso di gott, la diventa anmò pussée elevada e la resistenza tèrmica del condensàa la diminuìss. (Per i calcoj tecnich, dato che la condensa a gott la po’ nò vèss preveduda, se fa riferiment a la condensa a film, e in quèsta manera se gh’hà pussée vantagg per la sicurezza.)

Aplicazion[Modifega | mudìfica 'l sorgènt]

Exquisite-kfind.png Per savenn pussee, varda l'articol Condensator (scambiator de calor).

In chimica industrial e in chimica sperimental, la condensa a l’è on'"operazion unitaria"., o ben ona fase de on insèma de procèss chimico-fisich che gh’hànn ‘me scòpo la trasformazion de ona sostanza. Per esempi la ven realizzada la condensa d’ona corrent fluida ind la part de sora d’ona colòna de distillazion o intra i fase de on ciclo rinfrescant.

L'operazion de condensa l’è tant doprada in del la tecnica de la chimica de condensà i sostanz ottegnùu in forma de vapor, per vèndej o trattàj in forma de liquid: quèst el var, per esempi per la benzina, che in di procèss de distillazion a l’è ottegnuda in forma de vapor. On vapor el condensa a temperadura costanta, inveci i vapor mist i condensen ind on travàll de temperadura, cont el trà foeura prima i component manc volàtil, e poeu quèj pussée valatìl; quèste l permètt la separazion di vari sostanz.

De sorapù el fenòmen de la condensazion del vapor de acqua el po’ vèss sfruttàa de recuperàa l’acqua che gh’è dente in del’atmosfera in forma de vapor de acqua. Segond quèll princippi chì a l’è che ‘l fonziona el dessalador a energia solar, el "condensator Zibold" e alter appareggiadùrr pussée complèss, compagn di "condensator a energìa solàr".

Riferiment[Modifega | mudìfica 'l sorgènt]

  1. Rolla, p. 100.
  2. (EN) DOE Fundamentals Handbook - "Thermodynamics, Heat transfer, and fluid flow", p. 38. Arqiviad qé: [1] ol 20 dicembre 2016

Bibliografia[Modifega | mudìfica 'l sorgènt]

  • Luigi Rolla, Chimica e mineralogia. Per le Scuole superiori, 29a ed., Dante Alighieri, Mudel:Data.

Vos correlaa[Modifega | mudìfica 'l sorgènt]


Ligamm de foeura[Modifega | mudìfica 'l sorgènt]